《极悍巨鲨2：深沟》MEG 2: THE TRENCH
8月3日 再开鲨戒
新「牙」旧恨，凶恶巨物在《极悍巨鲨 2：深沟》( #MEG 2: THE TRENCH) 中再开杀戒！华纳兄弟暑假二度震撼回归，比5年前叫好叫座的第一集，惊险刺激程度更 all in；上集型佬男主角积逊史达顿 (Jason Statham)、暨《杀破狼》动作巨星吴京，与多只巨鲨世纪大对决，观众肾上腺素集体狂飚！他俩一起潜入未知水域，带领一个大无畏的研究团队探索海洋最深处。
众人受到恶意采矿作业影响，导致潜行时极度凶险，更被迫跟多只无情的巨齿鲨、巨型怪物、环境掠夺者较量，卷入连场高风险体能极限搏斗，濒临生死边缘⋯⋯
上映日期： 2023年8月3日（四）
导演： #班怀利特
主演： #积逊史达顿 、 #吴京 、 #蔡书雅 、 #彼兹甘迺迪 、 #沙治奥曼切塔 、 #史佳娜森姆斯
片种：动作、惊吓
语言：英语
片长：116分钟
级别：IIA
出品公司： #华纳兄弟影片公司
香港发行： #环球影业 (香港) 有限公司
《极悍巨鲨2：深沟》MEG 2: THE TRENCH – 不专业影评 by Alan Leung 2
因为冇睇过巨鲨第一集嘅关系 我对呢套电影嘅幻想都系来自细个睇嘅大白鲨电影
点知睇Trailer嘅时候 发现原来只巨鲨系大过大白鲨几十倍 一啖就噬咗架车都得 换言之就成㗎潜水艇咁大啦
入到戏院睇VIP screening，真系人头涌涌。 官方仲送咗只飞碟俾我， 当然就仲有特别戏飞啦！
有啲人仲攞到鲨鱼公仔， 仲有啲人有毛巾添。
除咗礼物之外， 仲有啲糖果小食， 同埋鲨鱼特饮呀。
开场啦！ 男主角系型男光头佬 “积逊史达顿 (Jason Statham)” ，原来佢系一个环保组织嘅成员， 就系要确保海洋生物嘅保育。 之后就发生一连串嘅打斗同埋枪战， 其实我都唔太清楚佢系为咗乜， 总之去咗保护个海洋啦！
完成任务之后，佢就返咗自己个保护组织。 吴京就无啦啦出现， 仲话发明咗啲咩新嘅深海潜水机械保护衣之类， 根本就系Gantz件战衣嚟嘅。 佢仲试咗几下件保护衣嘅power ，一拳打爆咗啲超厚石屎。
跟住光头佬就喺自己房， 同个女仔倾偈。 个女仔应该系Mix嚟， 因为又讲普通话， 又讲英文 ，墙上边就挂住咗李冰冰幅相， 应该系李冰冰佢个女 又或者系佢同光头佬生嘅女。
吴京就无啦啦 话自己识得同巨型鲨鱼沟通㖞！ 但可惜只鲨鱼冇理佢， 直接向佢攻击， 但又唔知点解 ，吴京佢避开咗。
好，跟住就成队人向海底出发探险。 坐住一㗎好似太空飞船咁样嘅潜水艇， 潜潜下水嘅时候， 光头佬就发现咗 自己个女偷偷地匿埋咗喺只船度， 之后就无啦啦咁样发现咗水底有个基地， 谂住去调查 点知发生爆炸。
跟住所有队员 就着晒吴京潜水战衣 ，话要步行去𠮶个基地 。话口未完， 就死咗一件 ，应该系俾八爪鱼食咗。 行行吓！ 去到基地 有死多一件 ，乜压力爆炸 成个头爆咗！ 跟住就发生打斗， 同埋尝试求生 上返水面。
上返水面， 𠮶个环保组织基地 原来有二五仔出卖， 俾人攻陷咗。 光头佬 同埋 吴京 等队友， 就奋力反抗 ，之后个二五仔死咗， 成个基地都爆炸冇埋。
所有人都奋力离开𠮶个环保组织基地， 之后就系咁比好多大鲨鱼追住同埋攻击。 一路追一路追 ，追到去一个happy Island。
大家努力叫啲游客尽快乐离开happy Island， 但可惜冇人听。 跟住啲巨鲨就开始攻击啦！ 又无啦啦出现咗啲史前深海生物， 又无啦啦出现咗净系见到啲脚嘅巨型八爪鱼。 人类同海底生物 作战， 打嚟打去。 之后大部份巨型海底生物都死晒， 就死剩 吴京 话佢系friend嘅𠮶条鲨鱼。 吴京 又同条巨鲨尝试沟通， 今次条巨鲨避开咗吴京， 佢就yeah 晒咁话， 我真系可以同巨鲨沟通！
最后大家就等待军人去happy Island救援 ……. END！！！
成套戏就大概系咁， 有啲人话好睇，有啲人话唔好睇 。
其实仲有好多笑位， 有得笑都几好呀！
就系因为睇完呢套戏， 我就去玩返Hungry Shark
https://apps.apple.com/us/app/hungry-shark-evolution/id535500008
因为我发现， 呢套电影 同只game ，有Crossover到 ！
真系几好玩呀！ 唔系呢套电影 我都未必会去玩返呢只game！ 呢套电影都几好呀！
官方都送咗啲Softcopy海报俾我俾大家download
记得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Website
www.chairmen.hk
