《忍者龟:变异危机》- Teenage Mutant Ninja Turtles: Mutant Mayhem – 不专业影评 by Alan Leung 2
首先多谢 CHARGE SPOT HK,送戏飞俾我哋睇依套戏!
未入场睇嘅时候, 唔知点解个脑海成日都会出现 『忍者龟力量』,但睇完成套戏之后,佢哋一次都冇讲过,真系超乎我想像!
《忍者龟:变异危机》 记得入场睇之前 唔好谂咁多童年回忆 ,因为系新嘅开始、新嘅故事、新嘅画风 ,有好多嘢都改变咗,但系我觉得 比以前 更好睇!
首先系忍者龟嘅画风 用咗好多街头嘅庞克文化 漫画插图方式,再加上3D嘅角色骨架,真系好有突破 好有心机 。
虽然佢哋叫做『忍者龟』,但系其实 佢哋同我哋都系一样, 系睇香港嘅「功夫电影」长大㗎!所以佢哋应该叫做『功夫龟』先啱呀!
话说孤独嘅博士 发明咗神奇嘅基因改变药水 , 又可以叫做绿水。佢将绿水注射入唔同嘅生物,令到佢哋基因改变,变成非人类嘅合成新人类(啲人叫佢哋做怪兽)。孤独博士就将呢啲动物合成人叫做家人,而乌蝇仔(乌蝇哥)就系佢嘅大仔,仲有野猪仔、犀牛仔等等。
坏人财团为咗要偷取孤独博士嘅绿水,就大队攻击博士嘅屋企。就系攻击博士屋企嘅时候,孤独博士意外身亡,所以乌蝇哥就带同一班兄弟逃走。喺混战期间,其中一支绿水 唔小心跌咗落坑渠。就系咁,滴左落去四只龟仔嘅身上边,而老鼠想去救龟仔嘅时候,唔小心揩到啲基因绿水啊!
就系因为基因绿水缘故,老鼠仔变成咗老鼠人, 而佢就开始照顾左四只龟仔BB。四只龟仔BB长大咗之后,就变成忍者龟啦!
今次故事同以往有啲唔同,老鼠人并唔系师傅,而变咗忍者龟嘅爸爸。其后佢哋就再预返其他嘅基因动物 ,喺互相了解之后,一齐反抗乌蝇哥嘅阴谋,变成咗一家基因改造人。
而四只忍者龟 与实习记者爱普,喺对战乌蝇哥事件中, 拯救咗城市危机,成为咗城市英雄! 最终被人类接纳,变回绿色嘅普通人(英雄), 可以去普通啲人类学校读书,仲识咗好多新嘅朋友 。
唔知新嘅故事, 又会唔会 发展出 一个新嘅忍者龟时代呢? 真系好希望, 可以睇到第二集呀!
《忍者龟:变异危机》- Teenage Mutant Ninja Turtles: Mutant Mayhem
上映日期: 2023年8月10日, Thu (公映)
导演: 谢夫罗尔
主演: 配音: 米卡艾比, 森文布朗, 露丝拜恩, 尼古拉斯简图, 约翰辛纳, 成龙, 艾士高比, 娜塔莎迪米翠, 艾奥埃德比利, 简卡洛艾斯波西托, 波斯特马龙, 毕迪般恩, 薛夫洛根, 保罗活特, 美雅诺道芙
片种:动画
语言:英语 / 粤语
片长:1小时33分
级别:IIA
记得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Website
www.chairmen.hk