《極悍巨鯊2：深溝》MEG 2: THE TRENCH
8月3日 再開鯊戒
新「牙」舊恨，凶惡巨物在《極悍巨鯊 2：深溝》( #MEG 2: THE TRENCH) 中再開殺戒！華納兄弟暑假二度震撼回歸，比5年前叫好叫座的第一集，驚險刺激程度更 all in；上集型佬男主角積遜史達頓 (Jason Statham)、暨《殺破狼》動作巨星吳京，與多隻巨鯊世紀大對決，觀眾腎上腺素集體狂飈！他倆一起潛入未知水域，帶領一個大無畏的研究團隊探索海洋最深處。
衆人受到惡意採礦作業影響，導致潛行時極度凶險，更被迫跟多隻無情的巨齒鯊、巨型怪物、環境掠奪者較量，捲入連場高風險體能極限搏鬥，瀕臨生死邊緣⋯⋯
上映日期： 2023年8月3日（四）
導演： #班懷利特
主演： #積遜史達頓 、 #吳京 、 #蔡書雅 、 #彼茲甘迺迪 、 #沙治奧曼切塔 、 #史佳娜森姆斯
片種：動作、驚嚇
語言：英語
片長：116分鐘
級別：IIA
出品公司： #華納兄弟影片公司
香港發行： #環球影業 (香港) 有限公司
《極悍巨鯊2：深溝》MEG 2: THE TRENCH – 不專業影評 by Alan Leung 2
因為冇睇過巨鯊第一集嘅關係 我對呢套電影嘅幻想都係來自細個睇嘅大白鯊電影
點知睇Trailer嘅時候 發現原來隻巨鯊係大過大白鯊幾十倍 一啖就噬咗架車都得 換言之就成㗎潛水艇咁大啦
入到戲院睇VIP screening，真係人頭湧湧。 官方仲送咗隻飛碟俾我， 當然就仲有特別戲飛啦！
有啲人仲攞到鯊魚公仔， 仲有啲人有毛巾添。
除咗禮物之外， 仲有啲糖果小食， 同埋鯊魚特飲呀。
開場啦！ 男主角係型男光頭佬 “積遜史達頓 (Jason Statham)” ，原來佢係一個環保組織嘅成員， 就係要確保海洋生物嘅保育。 之後就發生一連串嘅打鬥同埋槍戰， 其實我都唔太清楚佢係為咗乜， 總之去咗保護個海洋啦！
完成任務之後，佢就返咗自己個保護組織。 吳京就無啦啦出現， 仲話發明咗啲咩新嘅深海潛水機械保護衣之類， 根本就係Gantz件戰衣嚟嘅。 佢仲試咗幾下件保護衣嘅power ，一拳打爆咗啲超厚石屎。
跟住光頭佬就喺自己房， 同個女仔傾偈。 個女仔應該係Mix嚟， 因為又講普通話， 又講英文 ，牆上邊就掛住咗李冰冰幅相， 應該係李冰冰佢個女 又或者係佢同光頭佬生嘅女。
吳京就無啦啦 話自己識得同巨型鯊魚溝通喎！ 但可惜隻鯊魚冇理佢， 直接向佢攻擊， 但又唔知點解 ，吳京佢避開咗。
好，跟住就成隊人向海底出發探險。 坐住一㗎好似太空飛船咁樣嘅潛水艇， 潛潛下水嘅時候， 光頭佬就發現咗 自己個女偷偷地匿埋咗喺隻船度， 之後就無啦啦咁樣發現咗水底有個基地， 諗住去調查 點知發生爆炸。
跟住所有隊員 就着晒吳京潛水戰衣 ，話要步行去嗰個基地 。話口未完， 就死咗一件 ，應該係俾八爪魚食咗。 行行吓！ 去到基地 有死多一件 ，乜壓力爆炸 成個頭爆咗！ 跟住就發生打鬥， 同埋嘗試求生 上返水面。
上返水面， 嗰個環保組織基地 原來有二五仔出賣， 俾人攻陷咗。 光頭佬 同埋 吳京 等隊友， 就奮力反抗 ，之後個二五仔死咗， 成個基地都爆炸冇埋。
所有人都奮力離開嗰個環保組織基地， 之後就係咁比好多大鯊魚追住同埋攻擊。 一路追一路追 ，追到去一個happy Island。
大家努力叫啲遊客盡快乐離開happy Island， 但可惜冇人聽。 跟住啲巨鯊就開始攻擊啦！ 又無啦啦出現咗啲史前深海生物， 又無啦啦出現咗淨係見到啲腳嘅巨型八爪魚。 人類同海底生物 作戰， 打嚟打去。 之後大部份巨型海底生物都死晒， 就死剩 吳京 話佢係friend嘅嗰條鯊魚。 吳京 又同條巨鯊嘗試溝通， 今次條巨鯊避開咗吳京， 佢就yeah 晒咁話， 我真係可以同巨鯊溝通！
最後大家就等待軍人去happy Island救援 ……. END！！！
成套戲就大概係咁， 有啲人話好睇，有啲人話唔好睇 。
其實仲有好多笑位， 有得笑都幾好呀！
就係因為睇完呢套戲， 我就去玩返Hungry Shark
https://apps.apple.com/us/app/hungry-shark-evolution/id535500008
因為我發現， 呢套電影 同隻game ，有Crossover到 ！
真係幾好玩呀！ 唔係呢套電影 我都未必會去玩返呢隻game！ 呢套電影都幾好呀！
官方都送咗啲Softcopy海報俾我俾大家download
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Website
www.chairmen.hk
