《驅魔人》導演剪輯加長版
50週年紀念放映
#吹咩不專業影評 #不專業影評 #觀後感 by Alan Leung – www.alanleung2.com
《驅魔人》係一套非常經典嘅「恐怖電影」，因為由細到大都成日聽到哩套電影嘅大名。英文電視台其實都播放過好多次，但可惜我幾十歲人都未正式完整咁睇過一次！對於哩套所謂嘅經典恐怖電影，其實都只係得一啲䁽過眼嘅記憶片段，同埋聽人講嘅多。例如女仔個頭180度扭轉去背脊、拱橋式扮蜘蛛行、女仔變男人聲、成個人躺平飛起等等。哩啲經典嘅電影情節，其實都被往後嘅電影不斷抄襲，所以原本嘅《驅魔人》究竟係講緊乜呢？ 腦海就自然狂Loop住嗰幾幕所謂嘅恐怖記憶。
今年係《驅魔人》50週年，嚟緊會上映一套同《驅魔人》有連貫性嘅新電影《驅魔人：信仰者》，喺睇《驅魔人：信仰者》之前，我就梗係要溫吓書睇返套神戲《驅魔人》先啦！
好多謝阿Windy同阿Man邀請我睇《驅魔人》導演剪輯加長版 50週年紀念放映，我仲要坐喺「映後談嘉賓：月巴氏」隔離，真係開心仔呀！
開塲前仲收到「WB 一百周年 x 《驅魔人》50週年 記念飛」仲要係硬卡燙金版，真係型到不得了。
講返《驅魔人》導演剪輯加長版 50週年紀念放映，從 #月巴氏 口中得知 係同 2001 年《驅魔人》導演剪輯加長版 有啲唔同，唔同在就係開頭多咗一個外國人嘅介紹片，介紹片係講解同介紹《驅魔人》50週年及補充歷史、導演嘅生平、拍攝同製作資料等等，令我哋了解咗更多有關《驅魔人》點解會變成神級恐怖電影！
睇咗大約兩個鐘嘅《驅魔人》，竟然推翻晒大部份我對《驅魔人》嘅原本記憶！原來我哋經想睇到同埋提及嘅恐怖片段，喺成套電影只係出現得好少部份，所有恐怖片段加埋都唔知有冇二十分鐘，相反電影嘅情節大部份都係似紀錄片方式去呈現；更談及不少宗教與社會問題、文明與科學等等！
我哩個 50年 之後先去睇哩套 經典恐怖電影 嘅人，竟然覺得哩一套係一套『哲學．偽紀錄片』⋯⋯神職人員都唔相信有魔鬼嘅存在，醫生只覺得一切都係病一切都係科學，仲可能係同外星人有關添！信仰竟然冇信任嘅存在、對科學嘅所謂信心凌駕於一切，嗰一份自信同樣地產生一種對不明事情嘅無助感。所謂『(對科學)信者得救．(對宗教)疑者不救』那就是人類一個大躍進的時代，一個多派系冒起嘅時代(Rock、PUNK、DJs、NewFashion、Films、政治、邪教)，一個不滿當代政府的時代，我們的70年代。
50年過去， 《驅魔人》嘅新作《驅魔人：信仰者》又會包含住一啲乜嘢嘅訊息呢？定還是，真真正正係一套單純嘅恐怖片呢？
未睇《驅魔人》嘅，就快啲好似我咁溫書啦！已睇過《驅魔人》嘅，準備好睇新作未呀？快啲買飛啦！
《驅魔人:信仰者》“The Exorcist: Believer”
10月12日 信者失救
50年前的秋天，史上最震撼驚典片王《驅魔人》(The Exorcist) 大銀幕上誕生，震懾全球。2023年10月，環球影業、BLUMHOUSE 製作公司暨導演大衛哥頓格連，一承正宗IP的詭異神髓，推出了 《驅魔人：信仰者》(The Exorcist: Believer)，打開全新恐怖風貌！
12年前，Victor懷孕的妻子在海地地震中去世，他獨自撫養女兒Angela。Angela和朋友Katherine一次意外消失在樹林裡，三天後回來時徹底失憶，並引爆了一連串解釋不到的神秘事件，迫使Victor面對邪惡最極點。在恐懼和絕望中，他唯一可以做的，是找出唯一目睹過類似事情而活著的人—— Chris MacNeil。Chris 正是原裝《驅魔人》女主角，她的女兒Regan五年前發生過不可思議遭遇，令Chris徹底改變了自己⋯⋯
改編 William Peter Blatty 暢銷小說的驚典《驅魔人》自1973年上映後，永恆地改變了光影世界的驚嚇文化。當年不單打破票房記錄，更獲得十項奧斯卡提名，並成為史上首部獲得最佳影片提名的恐怖電影。金像得主愛倫貝絲蓮 (Ellen Burstyn) 當年飾演 Chris MacNeil 這個標誌性角色，今日更難能可貴地在此新作中粉墨登場，對影迷而言實在雀躍萬分。
《驅魔人:信仰者》“The Exorcist: Believer”
上映日期： 2023年10月12日（四）
導演： #大衛哥頓格連
演員： #小萊斯利奧多姆、 #安道得、 #珍妮弗奈特勒斯、 #諾伯特李奧巴茨、 #莉婭朱伊特、 #奧莉薇亞瑪肯姆 、 #愛倫貝絲蓮
片種：恐怖
語言：英語
片長：1小時51分
級別：IIB 級
發行： #環球影業 (香港) 有限公司
電影預告：
#驅魔人信仰者#TheExorcistBeliever#驅魔人#TheExorcist#MOVIES#FILMS#COMINGSOON
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Website
www.chairmen.hk
