【#咩FILM】【#咩电影】【#咩MOVIES】
【吹咩不专业影评】
《源生罪》(Deliverance)
#吹咩不专业影评 #不专业影评 #观后感 by Alan Leung 2
《源生罪》优先场
未入塲,喺戏院入面有几套同《源生罪》差唔多嘅电影Poster,真系有啲好笑,因为搞到我唔太记得入戏院睇乜戏⋯⋯导演同我讲佢都觉得有啲混乱,所以即刻拉条backdrop出嚟,叫大家打吓卡!
今次优先场无收到特别版嘅戏飞,但系就有收到电影Postcard⋯⋯好似有四五款,而我就收到其中两款。
《源生罪》优先场 ,完场有制作团队分享,有导演及编剧兄弟啦、有美术、摄影、剪接、仲有女主角同埋男配角!大家都讲咗好多感受,分享咗好多对电影创作嘅热诚,参加电影节嘅得奖感受等等!
讲返《源生罪》呢套电影,由开头华哥讲嘅𠮶段嘢,再加上一家人食饭嘅场景,其实好多朋友都已经猜得出,部电影嘅方向⋯⋯但就系因为太易猜得出,不期然咁样又增加咗少少追看性。又好似唔系,又好似系嘅𠮶一种感觉。亲情、友情、兄弟情,大家都系为咗珍惜一齐食饭嘅时候,但系可惜电影又或者现实生活,又有几多人真真正正咁样珍惜过哩一种平平淡淡、快快乐乐、齐齐整整、平平安安嘅食饭时候呢?
唔想太过透露太多电影嘅内容,因为一讲就会穿。有兴趣了解一下,乜嘢系一家人嘅感觉嘅朋友,就去睇吓呢套电影啦!
编剧话:「其实唔好谂个故事讲乜!攞唔攞奖都好、顺唔顺畅都好;珍惜一家人嘅时候先至最紧要。」
我自己几喜欢《源生罪》呢套电影嘅几个场景或者美术,第一个场景就系故事主角们嘅旧屋入边,就系𠮶啲窗口入边俾风吹住嘅透明窗纱。咁啱摄影师同埋美指喺分享嘅时候都有提及过𠮶啲窗纱,佢哋提及嘅就系窗纱嘅厚度,透光嘅程度。而我反而就系𠮶种啲风吹起啲窗纱嘅感觉,我唔系谂紧光,我系谂紧风,打开咗个窗口,啲窗纱飘来飘去,会唔会吹咗啲嘢落街?因为我细个经历过,一下子就俾啲窗纱拉咗啲装饰物飞咗落街,所以我睇住𠮶个场景,都几担心⋯⋯望住佢哋啲挂喺度嘅衫呀,日历啊,胶袋啊,会唔会飞落街?⋯⋯
第二个我钟意嘅场景,就系女主角系黑暗街角度跑来跑去,又有啲似果栏,又有啲似西洋菜街𠮶啲摊档,再加上喷埋烟雾,烟机加打灯嘅烟雾效果,有少少迷幻同埋cyberpunk 嘅感觉!
唔讲唔讲,但系我又好想讲!呢一家人嘅结局究竟系点呢?明明大家乜嘢冇做过,明明可能系冇犯法,但又个个都妨碍司法公正,如果喺现实世界,究竟应该要点判呢? 呢一个先至系我最想知嘅答案。 其实⋯⋯仲有冇机会,一家人坐埋一齐食饭啦?
虽然呢一套系一套好矛盾好有爱嘅悬疑亲情片,虽然片入边嘅角色,大家有好多嘢都唔明白,同时大家又知道好多嘢,如果撇除矛盾嘅内容,其实每一个角色都真系演得好好。唔明嘅,真系演得好唔明;明嘅,又真系好似掩饰紧一啲嘢。所有人,都演得好真实,现实可能好多事都一样系咁。为咗爱,可能好多嘢都收收埋埋唔肯去讲,唔肯去讲,又导致好似有啲嘢唔讲得唔见得光。原来呢个世界,有啲嘢真系唔知好过知,但同样地,有啲嘢大家应该要摊出嚟讲清楚⋯⋯有时候,误会令人迷失、令人失去方向、令人失去爱⋯⋯所以一家人,沟通真系好重要。
到最后,我都好希望大家去睇吓呢套戏,欣赏一下每一个角色,好真实嘅演绎,同时间,我都好想大家可以睇吓曾江老前辈,人生中最后演出嘅作品之一。
「一套电影,竟然可以用唔同嘅角度,去表达爱究竟系点⋯⋯某程度上 唔够戏剧性 因为实在 太真实啦。」
官方资料:
【#咩FILM】【#咩电影】【#咩MOVIES】
获第15届澳门国际电影节三大提名
《源生罪》问鼎金莲花奖最佳影片、最佳男主角及最佳编剧
2024.1.18 揭开「罪」幕
2024年先声夺人本地剧力钜献《源生罪》(Deliverance),由黄永峯及邓志玲联手监制,荷里活回港新锐导演岑嘉彦与编剧岑尚哲「兄弟班」默契打造,云集金像及实力派演员任达华、曾江、鲍起静、吴家丽、吴卓羲、吴浣仪、张建声;影坛新贵陈紫萱与新生代演员黄天翱 (Tim@DearJane)、岑珈其、岑尚哲、阮颂扬携手演出;郭奕芯、杨潮凯、张满源、黎学勤、余晓彤及安俊豪等特别客串。幕后崭新组合创作班底有《僵尸》、《空手道》、《饭戏攻心》提名最佳美术的张蚊、《一秒拳王》新晋摄影师刘君乐、《树大招风》金像、金马奖最佳剪辑师梁展纶、荷里活艾美奖配乐大师王宗贤(Nathan Wang)等,诚意献上全新类型心理悬疑剧情电影!
问鼎澳门国际电影节三大提名
《源生罪》先拔头筹扬威海外,于去年第15届芝加哥亚洲跃动电影节作世界首映并由女主角陈紫萱摘下「璀璨之星」大奖后,同时入围明斯克国际电影节等多个国际影展,并且斩获多项国际大奖,包括「最佳影片」、「最佳男主角」(任达华) 、「最佳女主角」(陈紫萱) 、「最佳导演」(岑嘉彦)等等,备受一众评审青睐,表现屡获国际肯定。目前更入围第15届澳门国际电影节,获金莲花奖三项重要提名包括最佳影片、最佳男主角及最佳编剧,气势强劲。电影以色彩浓烈、风格鲜明的凌厉影像,使用悬疑片的类型与催眠的元素,层层交织女主角零碎错乱的记忆,带观众同步走进谎言与真相的迷宫,并以不同角色的遭遇,探索长期病患照顾者的内心世界,更进一步提出诘问:面对生命种种苦难,人若为爱而狂,到底亲情何价?《源生罪》由宏寰文化传播有限公司荣誉发行,2024年1月18日香港隆重献映。
刚回港的实习医生樊雪儿(陈紫萱 饰)和未婚夫(黄天翱 饰)筹备婚礼,却因为一宗蝴蝶刀连环杀人案勾起往事,怀疑当年母亲(吴家丽 饰)的死亡事有跷蹊。透过大哥樊博权(任达华 饰)的心理治疗及二哥(张建声 饰)和契哥(吴卓羲 饰)的帮助下,进行回忆潜行,樊雪儿扑朔迷离的记忆被唤醒,危机却逐步迫近,爱的尽头迎来的竟是善恶颠倒的开端⋯⋯十五年来一直在家庭内被隐瞒的秘密即将被揭开,美满家庭瞬间被撕破,如何使深厚关系不被影响?
#源生罪#Deliverance#黄永峯#邓志玲#岑嘉彦#岑尚哲#任达华#曾江#鲍起静#吴家丽#吴卓羲#吴浣仪#张建声#陈紫萱#黄天翱#Tim@DearJane #岑珈其#岑尚哲#阮颂扬#郭奕芯#杨潮凯#张满源#黎学勤#余晓彤#安俊豪#张蚊 #刘君乐 #梁展纶 #王宗贤 #NathanWang #FILMS #MOVIES #COMINGSOON #CINEMA #STILLS #TRAILER #海报 #预告 #剧照
官方都送咗电影海报Softcopy俾大家download
记得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook 吹咩不专业影评
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk