【#咩FILM】【#咩電影】【#咩MOVIES】
【吹咩不專業影評】
《源生罪》(Deliverance)
#吹咩不專業影評 #不專業影評 #觀後感 by Alan Leung 2
《源生罪》優先場
未入塲，喺戲院入面有幾套同《源生罪》差唔多嘅電影Poster，真係有啲好笑，因為搞到我唔太記得入戲院睇乜戲⋯⋯導演同我講佢都覺得有啲混亂，所以即刻拉條backdrop出嚟，叫大家打吓卡！
今次優先場無收到特別版嘅戲飛，但係就有收到電影Postcard⋯⋯好似有四五款，而我就收到其中兩款。
《源生罪》優先場 ，完場有製作團隊分享，有導演及編劇兄弟啦、有美術、攝影、剪接、仲有女主角同埋男配角！大家都講咗好多感受，分享咗好多對電影創作嘅熱誠，參加電影節嘅得奬感受等等！
講返《源生罪》呢套電影，由開頭華哥講嘅嗰段嘢，再加上一家人食飯嘅場景，其實好多朋友都已經猜得出，部電影嘅方向⋯⋯但就係因為太易猜得出，不期然咁樣又增加咗少少追看性。又好似唔係，又好似係嘅嗰一種感覺。親情、友情、兄弟情，大家都係為咗珍惜一齊食飯嘅時候，但係可惜電影又或者現實生活，又有幾多人真真正正咁樣珍惜過哩一種平平淡淡、快快樂樂、齊齊整整、平平安安嘅食飯時候呢？
唔想太過透露太多電影嘅內容，因為一講就會穿。有興趣了解一下，乜嘢係一家人嘅感覺嘅朋友，就去睇吓呢套電影啦！
編劇話：「其實唔好諗個故事講乜！攞唔攞獎都好、順唔順暢都好；珍惜一家人嘅時候先至最緊要。」
我自己幾喜歡《源生罪》呢套電影嘅幾個場景或者美術，第一個場景就係故事主角們嘅舊屋入邊，就係嗰啲窗口入邊俾風吹住嘅透明窗紗。咁啱攝影師同埋美指喺分享嘅時候都有提及過嗰啲窗紗，佢哋提及嘅就係窗紗嘅厚度，透光嘅程度。而我反而就係嗰種啲風吹起啲窗紗嘅感覺，我唔係諗緊光，我係諗緊風，打開咗個窗口，啲窗紗飄來飄去，會唔會吹咗啲嘢落街？因為我細個經歷過，一下子就俾啲窗紗拉咗啲裝飾物飛咗落街，所以我睇住嗰個場景，都幾擔心⋯⋯望住佢哋啲掛喺度嘅衫呀，日曆啊，膠袋啊，會唔會飛落街？⋯⋯
第二個我鍾意嘅場景，就係女主角係黑暗街角度跑來跑去，又有啲似果欄，又有啲似西洋菜街嗰啲攤檔，再加上噴埋煙霧，煙機加打燈嘅煙霧效果，有少少迷幻同埋cyberpunk 嘅感覺！
唔講唔講，但係我又好想講！呢一家人嘅結局究竟係點呢？明明大家乜嘢冇做過，明明可能係冇犯法，但又個個都妨礙司法公正，如果喺現實世界，究竟應該要點判呢？ 呢一個先至係我最想知嘅答案。 其實⋯⋯仲有冇機會，一家人坐埋一齊食飯啦？
雖然呢一套係一套好矛盾好有愛嘅懸疑親情片，雖然片入邊嘅角色，大家有好多嘢都唔明白，同時大家又知道好多嘢，如果撇除矛盾嘅內容，其實每一個角色都真係演得好好。唔明嘅，真係演得好唔明；明嘅，又真係好似掩飾緊一啲嘢。所有人，都演得好真實，現實可能好多事都一樣係咁。為咗愛，可能好多嘢都收收埋埋唔肯去講，唔肯去講，又導致好似有啲嘢唔講得唔見得光。原來呢個世界，有啲嘢真係唔知好過知，但同樣地，有啲嘢大家應該要攤出嚟講清楚⋯⋯有時候，誤會令人迷失、令人失去方向、令人失去愛⋯⋯所以一家人，溝通真係好重要。
到最後，我都好希望大家去睇吓呢套戲，欣賞一下每一個角色，好真實嘅演繹，同時間，我都好想大家可以睇吓曾江老前輩，人生中最後演出嘅作品之一。
「一套電影，竟然可以用唔同嘅角度，去表達愛究竟係點⋯⋯某程度上 唔夠戲劇性 因為實在 太真實啦。」
官方資料:
【#咩FILM】【#咩電影】【#咩MOVIES】
獲第15屆澳門國際電影節三大提名
《源生罪》問鼎金蓮花獎最佳影片、最佳男主角及最佳編劇
2024.1.18 揭開「罪」幕
2024年先聲奪人本地劇力鉅獻《源生罪》(Deliverance)，由黃永峯及鄧志玲聯手監製，荷里活回港新銳導演岑嘉彦與編劇岑尚哲「兄弟班」默契打造，雲集金像及實力派演員任達華、曾江、鮑起靜、吳家麗、吳卓羲、吳浣儀、張建聲；影壇新貴陳紫萱與新生代演員黃天翱 (Tim@DearJane)、岑珈其、岑尚哲、阮頌揚攜手演出；郭奕芯、楊潮凱、張滿源、黎學勤、余曉彤及安俊豪等特別客串。幕後嶄新組合創作班底有《殭屍》、《空手道》、《飯戲攻心》提名最佳美術的張蚊、《一秒拳王》新晉攝影師劉君樂、《樹大招風》金像、金馬獎最佳剪輯師梁展綸、荷里活艾美獎配樂大師王宗賢(Nathan Wang)等，誠意獻上全新類型心理懸疑劇情電影！
問鼎澳門國際電影節三大提名
《源生罪》先拔頭籌揚威海外，於去年第15屆芝加哥亞洲躍動電影節作世界首映並由女主角陳紫萱摘下「璀璨之星」大奬後，同時入圍明斯克國際電影節等多個國際影展，並且斬獲多項國際大獎，包括「最佳影片」、「最佳男主角」(任達華) 、「最佳女主角」(陳紫萱) 、「最佳導演」(岑嘉彦)等等，備受一眾評審青睞，表現屢獲國際肯定。目前更入圍第15屆澳門國際電影節，獲金蓮花獎三項重要提名包括最佳影片、最佳男主角及最佳編劇，氣勢強勁。電影以色彩濃烈、風格鮮明的凌厲影像，使用懸疑片的類型與催眠的元素，層層交織女主角零碎錯亂的記憶，帶觀眾同步走進謊言與真相的迷宮，並以不同角色的遭遇，探索長期病患照顧者的內心世界，更進一步提出詰問：面對生命種種苦難，人若為愛而狂，到底親情何價？《源生罪》由宏寰文化傳播有限公司榮譽發行，2024年1月18日香港隆重獻映。
剛回港的實習醫生樊雪兒（陳紫萱 飾）和未婚夫（黃天翱 飾）籌備婚禮，卻因為一宗蝴蝶刀連環殺人案勾起往事，懷疑當年母親（吳家麗 飾）的死亡事有蹺蹊。透過大哥樊博權（任達華 飾）的心理治療及二哥（張建聲 飾）和契哥（吳卓羲 飾）的幫助下，進行回憶潛行，樊雪兒撲朔迷離的記憶被喚醒，危機卻逐步迫近，愛的盡頭迎來的竟是善惡顛倒的開端⋯⋯十五年來一直在家庭內被隱瞞的秘密即將被揭開，美滿家庭瞬間被撕破，如何使深厚關係不被影響？
#源生罪#Deliverance#黃永峯#鄧志玲#岑嘉彦#岑尚哲#任達華#曾江#鮑起靜#吳家麗#吳卓羲#吳浣儀#張建聲#陳紫萱#黃天翱#Tim@DearJane #岑珈其#岑尚哲#阮頌揚#郭奕芯#楊潮凱#張滿源#黎學勤#余曉彤#安俊豪#張蚊 #劉君樂 #梁展綸 #王宗賢 #NathanWang #FILMS #MOVIES #COMINGSOON #CINEMA #STILLS #TRAILER #海報 #預告 #劇照
官方都送咗電影海報Softcopy俾大家download
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook 吹咩不專業影評
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk
