【#咩FILMS】【#咩电影】【#咩MOVIES】
【吹咩不专业影评】
《驱魔人:信仰者》“The Exorcist: Believer” VIP Screening
#吹咩不专业影评 #不专业影评 #观后感 by Alan Leung 2
睇《驱魔人：信仰者》之前 我睇咗 《驱魔人》导演剪辑加长版，因为我自己都想了解多啲 《驱魔人》究竟系讲啲乜嘢。话晒都系经典嘅电影作品，点都要清楚了解多啲，先知道后者有咩分别之处。首先当然系要多谢一直支持我写观后感同成日邀请我去睇戏嘅Windy&Man。讲真！因为你哋，我先开始写返好多嘢！
《驱魔人：信仰者》同埋《驱魔人》其实真系有好多相似嘅地方，最紧要嘅就系第一集嘅母女角色都会喺最新嘅呢一集出现。不过《驱魔人：信仰者》比起《驱魔人》嘅片长感觉上系短咗啲啲，而且《驱魔人：信仰者》喺驱魔仪式上面明显地系俾《驱魔人》多咗好多。
《驱魔人：信仰者》同《驱魔人》嘅唔同之处，就系少咗好多用纪录片或者蒙太奇方式去表达恶魔嘅形象！相反恶魔嘅影像呈现多咗喺被恶魔附身嘅小女孩身上边。再加上，被附身嘅唔单只系一个人，同时间驱魔嘅人嘅人数都比以前增加咗好多。
驱魔人唔再系单单，关于某一个宗教。而系关乎同一个信仰分支出嚟嘅唔同教系。唔同嘅教系、唔同嘅方法，同一样嘅经文、同一样嘅信念。好多分支派系，佢哋嘅信仰者都觉得自己有愧于教会所以先至离开原本的宗教，但其实佢哋本身对主嘅恩典及信仰系好强烈同埋好忠心。相反喺传统宗教入边，确实系有太多人定立嘅规矩、权力、地位，要做一件事要帮一个人，就好似一个政府咁样，要交俾唔同嘅部门去审批，但讲到驱魔呢，meeting完之后，就会因为呢样𠮶样最终叫你放弃⋯⋯喺第一集驱魔人其实都出现同样嘅情况，因为教延唔想你咁样做，如果你要做炸两，所有嘢你就要自己孭上身。
喺唔同嘅驱魔人电影，其实所做嘅驱魔仪式，无论系乜嘢派系都好，都好似只不过系抵制紧𠮶只恶魔嘅力量，事实上好似完全冇驱走过佢。睇返第一集，唔同嘅神父喺驱魔仪式入边，恶魔都只不过系觉得你同佢玩紧游戏。去到最新呢集嘅《驱魔人：信仰者》其实恶魔直头就系同你讲紧，佢系同你哋玩紧，永远玩紧嘅都系『选择游戏』。
喺第一集驱魔人，兼任神父嘅考古学家喺古蹟入边发现到一啲银制嘅maybe驱魔物品；而发掘到物品嘅地方，就刚刚对着一个恐怖文明雕塑。恐怖文明雕塑喺第一集驱魔人嘅结尾，当神父驱魔接近失败嘅时候，雕塑就发光咁恐怖地出现喺神父嘅面前，神父竟然用「等价交换」去将附身系小女孩嘅恶魔引导到佢自己身体入边，再自己跳楼自杀，用自己嘅身体绑定恶魔之后「同归于尽」⋯⋯ 究竟恐怖文明雕塑系神定系鬼真系冇人知，但细心谂吓，古文明点解要创造出恶魔雕塑呢？神魔本身就系同体？
去到最新一集《驱魔人：信仰者》，所有帮手驱魔嘅人士，佢哋都会攞住第一集相同嘅银制驱魔吊坠⋯⋯究竟系咪真系有用？⋯⋯所有嘅驱魔人，都用尽佢嘅自家嘅法宝、驱魔方法、驱魔经文去尝试驱魔，对被附身嘅小女孩们，确实系有啲舒缓嘅情况，但实质上对驱魔系毫无用处。喺《驱魔人：信仰者》入边，佢哋成日都提及到，系驱魔嘅时候千祈唔好触碰被附身嘅人，因为你有可能都会被𠮶啲能量影响到。 当各家各法各门各派出尽法宝嘅时候，成功咗少少但确实真系冇乜用途。当大家面临失望之际，大家就喺度谂究竟系咪大家唔够团结同埋信念唔够呢？⋯⋯就系呢一刻，教廷reject佢驱魔嘅神父突然唔知因为乜嘢神明上身咁，懒型咁样走去两个附身小女孩嘅身边；双手按住两位小女孩之后就自己做炸两去驱魔，睇落只恶魔好似好惊，但其实佢笑笑口咁样用力量吸住咗炸两神父嘅身体，之后炸两神父就变咗第一集嘅附身少女一样，个头180度咁样俾力量扭转咗，好似唔系180度系直头360度+180度，就系咁炸两神父当场死亡⋯⋯都话咗唔好掂到佢㗎喇！
炸两神父死咗之后，恶魔就同大家讲，我而家俾选择你哋，你哋二拣一睇吓边个女仔要死啦！ 讲返两个女仔先，一个就系传统教会家庭长大嘅白人有钱少女，而另外一个就系冇咗妈妈单亲家庭长大亦冇宗教信仰嘅黑人少女。
恶魔同驱魔人们讲二拣一，讲真点会冇私心啊，所以话信念大于一切！全场嘅人竟然突然间话唔拣，因为两个都要救！ 咁恶魔啊，就当然会系整吓个女仔呀，吓下啲驱魔人呀，吓下啲家长啊！迫你选择啦！最终当然就有人私心咗，之后一个女仔就死咗啦⋯⋯想知系乜喺买飞去睇啦！
讲返第一集嘅女主角！系最新嘅一集真系有出现㗎！喺《驱魔人：信仰者》少女们被附身之后，其实同第一集嘅事件好相似，啲老窦老母梗系四围揾医生去医佢哋个女啦！当然就唔会有人相信系恶魔附身，一定就系话精神病咩怪病之类！所以第一集嘅女主角就正正系最好嘅机会出现啦！因为佢相信、因为佢经历过、同埋佢用咗50年去搜集唔同嘅资料、究竟咩系恶魔同埋点样驱魔？⋯⋯ 但相信又点呀？ 50年嚟佢个女都唔信佢(即系本身被上身𠮶个呀)！
唔好讲话驱魔人嘅故事系想推翻某啲宗教！反而佢系想我哋去反思返真实信仰嘅能力系有几大！有几多人真心系去相信，又有几多人系自私自利嘅星期日信徒呢？喺好多驱魔电影入边，喺驱魔仪式都会用方法迫恶魔讲出佢嘅名字，之后进行唔同方式驱魔⋯⋯但系喺《驱魔人》电影系列入边，佢哋嘅恶魔系冇名字，恶魔会同你讲佢唔怕你相信紧嘅𠮶啲嘢，因为佢就系恶魔！
睇返《驱魔人》同《驱魔人：信仰者》究竟恶魔系点嚟嘅呢？第一集嘅时候，小女孩主角话俾妈咪听佢玩𠮶啲好似碟仙咁样嘅游戏；而喺信仰者入边，两个附身嘅小女孩亦都尝试紧一啲疑似嘅通灵游戏⋯⋯《驱魔人》电影系列好似话紧俾我哋听，千祈唔好尝试任何有机会接触恶魔嘅所有通灵游戏，因为当你玩咗呢个选择游戏，你亦都会被同样进入咗被选择游戏入边。当你进入咗被选择游戏之后，其实你睇返电影入边，恶魔就会一直开始同你玩，控制你嘅身体，甚至得到超人嘅力量！其实，恶魔系甚少会搞被附身者身体以外人，但系唔知点解得到咗力量被附身嘅人，外边嘅人都永远睇佢哋唔顺眼，觉得佢哋系怪物，成日讲粗口！之后𠮶班睇唔顺眼嘅人就会开始变成驱魔炸两！
所以大家要知道、明白、同埋记住！千祈唔好玩𠮶啲通灵游戏，又或者尝试同恶魔接触。同时大家要记得，如果你身边𠮶啲人成日讲粗口，好似得到咗某啲力量，最好你就远离佢哋少少，千祈唔好谂住帮佢哋，同埋千祈唔好同佢哋有身体接触，更唔好谂自己成为一个驱魔炸两！因为你唔搞只恶魔，只嘢就唔会搞你⋯⋯
到最后讲返呢套电影真系好恐怖！问咗10个睇过呢套电影嘅人，竟然10个都俾同一样嘢吓亲，就系条「蛇」而并唔系任何被附身少女嘅特技化妆⋯⋯ 都话「蛇」本身就系恶魔嘅化身㗎喇！ 讲返我写呢一篇观后感，都写咗好长时间，因为写咗好几次，个save都唔见咗、又或者唔见咗一半、又或者变返上次𠮶集驱魔人写嘅嘢！总之，好似佢唔系咁想比我出咁啦！ 系咪真系咁坚？你买飞睇吓咪知囉！记住啦『信者可能失救㗎！』
官方资料:
《驱魔人:信仰者》“The Exorcist: Believer”
10月12日 信者失救
50年前的秋天，史上最震撼惊典片王《驱魔人》(The Exorcist) 大银幕上诞生，震慑全球。2023年10月，环球影业、BLUMHOUSE 制作公司暨导演大卫哥顿格连，一承正宗IP的诡异神髓，推出了 《驱魔人：信仰者》(The Exorcist: Believer)，打开全新恐怖风貌！
12年前，Victor怀孕的妻子在海地地震中去世，他独自抚养女儿Angela。Angela和朋友Katherine一次意外消失在树林里，三天后回来时彻底失忆，并引爆了一连串解释不到的神秘事件，迫使Victor面对邪恶最极点。在恐惧和绝望中，他唯一可以做的，是找出唯一目睹过类似事情而活着的人—— Chris MacNeil。Chris 正是原装《驱魔人》女主角，她的女儿Regan五年前发生过不可思议遭遇，令Chris彻底改变了自己⋯⋯
改编 William Peter Blatty 畅销小说的惊典《驱魔人》自1973年上映后，永恒地改变了光影世界的惊吓文化。当年不单打破票房记录，更获得十项奥斯卡提名，并成为史上首部获得最佳影片提名的恐怖电影。金像得主爱伦贝丝莲 (Ellen Burstyn) 当年饰演 Chris MacNeil 这个标志性角色，今日更难能可贵地在此新作中粉墨登场，对影迷而言实在雀跃万分。
官方都送咗电影海报Softcopy俾大家download
《驱魔人:信仰者》“The Exorcist: Believer”
上映日期： 2023年10月12日（四）
导演： #大卫哥顿格连
演员： #小莱斯利奥多姆、 #安道得、 #珍妮弗奈特勒斯、 #诺伯特李奥巴茨、 #莉娅朱伊特、 #奥莉薇亚玛肯姆 、 #爱伦贝丝莲
片种：恐怖
语言：英语
片长：1小时51分
级别：IIB 级
电影预告： https://youtu.be/aWBH6dvRW38
发行： #环球影业 (香港) 有限公司
#驱魔人信仰者#TheExorcistBeliever#驱魔人#TheExorcist#MOVIES#FILMS#COMINGSOON
记得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook 吹咩不专业影评
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk
