【#咩FILM】【#咩電影】【#咩MOVIES】
【吹咩不專業影評】
《捉鬼敢死隊：冰封魅來》 – Ghostbusters: Frozen Empire
#吹咩不專業影評 #不專業影評 #觀後感 by Alan Leung 2
捉鬼敢死隊：冰封魅來 Ghostbusters: Frozen Empire
《捉鬼敢死隊》係我細個嘅時候，超鍾意嘅 動畫同埋電影之一。記得幾年前，我同林達“Chungdha”睇過一套女版嘅《捉鬼敢死隊》⋯⋯講真！真係超失望，之後都對《捉鬼敢死隊》題材嘅作品死咗心⋯⋯
前排收到最新嘅《捉鬼敢死隊》預告片，竟然係元老級版本嘅延續，睇完預告片，推翻咗我之前嘅失落感，反而好想入戲院再睇返一次⋯⋯「博士通、肥仔德、醒目威、沙蒙，仲有為食鬼、棉花糖鬼同埋 譚玉瑛姐姐 咁樣嘅阿珍！」唔好話乜「童年回憶」直頭覺得自己有種重生嘅感覺。
今次《捉鬼敢死隊：冰封魅來》原來係有前一集 《捉鬼敢死隊：魅來世界》⋯⋯由於之前女版令我過分失望所，所以 《魅來世界》我無正式睇過，不過喺電視好似有立過吓眼。淨係知道「蟻俠」係新主角之一，同埋有一個超似 「博士通」 嘅女仔。
原來嗰個超似 「博士通」 嘅女仔 「麥根娜·姬絲 Mckenna Grace」飾演嘅 「菲比·史賓格勒」（Phoebe Spengler）就係 「伊根·史賓格勒」 (Egon Spengler) “博士通” 個孫女！ 嘩！即刻將《捉鬼敢死隊》系列拉返埋一齊⋯⋯除此之外今次仲出現埋「彼得·威克曼」(Peter Venkman) “肥仔德“、「雷蒙·「雷」·史坦茲」(Raymond “Ray” Stantz) “醒目威”、「溫斯頓·雷德莫爾」(Winston Zeddemore) “沙蒙”、仲有「珍妮·莫爾尼茲」(Janine Melni tz)”阿珍“⋯⋯點可以唔睇呀！
我一收到《捉鬼敢死隊：冰封魅來》消息就即刻喺social media 同大家分享，之後就梗係等 發行 / Marketing 公司 通知睇 Screening 啦！ 誰不知 ⋯⋯ 無人請我去，仲要無禮物，你哋睇吓， 做 筆者 真係唔易做，又要出錢又要出寫又要唉⋯⋯！後來另一個PR Marketing 朋友 寄咗 換票劵 俾我，真係感謝 Hyman，先至有今次review！
今集《捉鬼敢死隊》冰封魅來，睇名就知同冰或鬼有關，拍攝十足八九十年代嘅風格，所有特攝都用晒啲舊 style 對某些朋嚟講可能會話無新意，但對於我嚟講就真係感受到那一種「時代感」，而且新舊角色互補不足。雖然「博士通」已經離開人世，但望住佢嘅孫女「菲比·史賓格勒」（Phoebe Spengler）那一個Teenage少女，她的造型卻令我們回味着「博士通」的一切一切，一種天才科學家學捉鬼嘅精神！
《捉鬼敢死隊：冰封魅來》成日提住 『量子定理』，飾演「菲比·史賓格勒」後父 嘅 就係 「蟻俠」保羅·活特。今次佢嘅角色叫「蓋瑞·葛洛柏森」(Gary Grooberson)，但Sorry！我只係記得『量子定理』嘅「蟻俠」⋯⋯其他名我都記唔住。
講返套電影！開頭好似係講返1901年，前消防局嘅鬼故事！唔大家有冇留意到，大約喺畫面右邊打直分格線嘅三分一及打橫分格線二分一嘅鏡頭附近，出現咗一個超大陰影，可能係 Dust 又可能係鏡頭發霉嘅霉，喺成間結咗冰嘅房嘅大部分Clips都有，大家有冇睇到，定係我眼花呢？大家分享一下。
今集故事都算完整，而且保留咗好多特別嘅塲景及道具設計，當中也有舊版嘅捉鬼工具及改良版嘅新工具。唔好理今次係唔係「新舊交替」，又或者仲有冇下一集，今集嘅內容完全銜接到八九十年代嘅第一及第二集情節！ 我真係好開心 再睇到 《捉鬼敢死隊》嘅總部 「消防局」、捉鬼車、主角們、為食鬼同棉花糖鬼，仲有一些舊片段！ 真心感到「經典重演」⋯⋯依家睇完《捉鬼敢死隊：冰封魅來》，我嗱嗱聲眼返上集《捉鬼敢死隊：魅來世界》先！ 你哋又睇咗未呀？睇完一齊分享下有乜咁正啦！
官方資料:
【#咩FILM】【#咩電影】【#咩MOVIES】
瘋魔全球40周年捉鬼經典 兩代神級隊友聯手破冰
《捉鬼敢死隊：冰封魅來》（Ghostbusters: Frozen Empire）
新海報全員登場 短片揭靈異經歷兼介紹鬼怪角色
《捉鬼敢死隊》40周年喇！瘋魔全球40周年捉鬼經典將再度Chill爆大銀幕！今年推出系列最新一集《捉鬼敢死隊：冰封魅來》（Ghostbusters: Frozen Empire），繼續向1984年首集《捉鬼敢死隊》遙遙致敬，活化鬼魅科幻喜劇經典，新一代捉鬼敢死隊將進軍紐約，與元祖初代捉鬼敢死隊再度聚首，兩代神級隊友聯手破冰，以升級先進新型捉鬼設備對付更多妖魔鬼怪，挽救魅來危機！
今年適逢《捉鬼敢死隊》40周年，系列正宗第4集《捉鬼敢死隊：冰封魅來》終於面世，令全球粉絲無比興奮。全新海報可見全員登場：上集原班人馬悉數回歸，以《蟻俠》巨星保羅活特（Paul Rudd）為首，佔正中位置帶領《Marvel隊長》麥根娜姬絲（Mckenna Grace）、《怪奇物語 》芬禾夫克（Finn Wolfhard）、及《戰雲密報》嘉莉浣恩（Carrie Coon）等一起組成新一代捉鬼敢死隊，而《永恆族》卡苗蘭哲尼（Kumail Nanjiani）亦加入客串重要角色！當然不少得元祖級捉鬼敢死隊要員標梅利（Bill Murray）、丹艾克萊（Dan Aykroyd）、昂尼赫辛（Ernie Hudson）以及當年的俏秘書安妮帕茲 (Annie Potts)等。海報上最搶鏡的莫過於久別重逢的首集綠色為食鬼口水怪！今集將由《捉鬼敢死隊：魅來世界》的編劇兼執行監製喬堅朗（Gil Kenan）執導，他過去曾執導《鬼驅人》及動畫《魔怪屋》；上集導演兼編劇積遜懷文（ Jason Reitman）則為本片擔任編劇。
《捉鬼敢死隊：冰封魅來》最新發放的主角訪問短片中，演員大講疑似「撞鬼」的靈異經歷，又大爆今集電影的鬼怪角色！第一代捉鬼敢死隊成隊員昂尼赫辛帶頭話自己好尊重鬼神或超自然現象。新一代「媽媽級」捉鬼敢死隊隊員嘉莉浣恩則回憶說：「我清楚記得曾經聽過樓上傳來沉重腳步聲，大家跑上去卻甚麼也看不見！」新生代捉鬼敢死隊隊員芬禾夫克則遺憾表示自己生活苦悶：「我很沒趣，從未遇過超自然現象。」剛演出過《Madame Web蜘蛛夫人》（Madame Web）的另一位隊員施莉奧歌娜（Celeste O’ Connor)則最大膽，表示不介意有幽靈一起睇《捉鬼敢死隊：冰封魅來》甚至出來跟大家打招呼！而最搞鬼始終是男主角保羅活特，故作神秘：「我不會告訴你那次勁驚俾鬼上身的經歷！」談到片中的鬼怪角色，大家就非常踴躍，各有所偏愛！除了上集憑可愛造型卻愛自相殘殺而搶盡風頭的迷你棉花糖怪兵團再度回歸外，今集尚有空中飛舞的巨型半邊明坑渠惡龍、從第一集久休復出的經典綠色口水怪、神出鬼沒而能隨意附身於任何物品的附魔等。而海報與預告片中亦可見最強惡靈格勒卡，被眾演員形容為瘋狂、古老、詭異、邪惡、可怕，更可令人一秒血液結冰、心臟停頓的終極奸角，引爆冰封紐約的末日危機，勢必寒氣逼人、恐怖現身！《捉鬼敢死隊：冰封魅來》由Sony Pictures榮譽發行，3月21日，全城期待，捉鬼行動再度展開！
《捉鬼敢死隊》永恆經典40周年再獻「搞鬼」新作！美國票務網站Fandango 觀眾票選今年最期待十大電影季軍，《捉鬼敢死隊: 魅來世界》原班人馬載譽回歸，今集再由孤僻少女菲比（麥根娜姬絲 飾）與哥哥卓佛（芬禾夫克 飾）聯同加利古柏遜老師（保羅活特 飾）一起進軍紐約，入主捉鬼敢死隊的發源地「消防局」，並發現最新機密捉鬼科研中心，各款升級版捉鬼武器與裝備，更加出神入化再創新高度！然而，隨著一件神秘遠古文物出土，邪惡幽靈被喚醒，紐約也瞬間被嚴寒冰封！新世代與元祖級「捉鬼敢死隊」必須再度聯手展開驚險捉鬼行動，扭轉「冰天凍地」的末日危機！
由Sony Pictures榮譽發行、慶祝《捉鬼敢死隊》40周年的《捉鬼敢死隊：冰封魅來》（Ghostbusters: Frozen Empire），不止繼續向1984年首集《捉鬼敢死隊》及1989年的《捉鬼敢死隊2》遙遙致敬，更注入新元素新意思，活化鬼魅科幻喜劇經典，今集新一代捉鬼敢死隊將進軍捉鬼敢死隊發源地紐約，與元祖初代捉鬼敢死隊再度聚首，一件上古遺物釋放了邪惡力量，兩代神級隊友聯手破冰，以升級先進新型捉鬼設備對付更多妖魔鬼怪，挽救魅來危機，帶來一部絕對能夠滿足《捉鬼敢死隊》忠粉、流傳著《捉鬼敢死隊》DNA質感情懷色彩、甚至帶有《異形續集》及《變形人魔》等八十年代科幻經典驚慄氣氛的傑作，也是能滿足年輕新一代觀眾的怪奇青春成長物語，是一部合家歡娛樂滿Fun精彩作品！
兩代捉鬼敢死隊大集合
上集原班人馬悉數回歸，亦是兩代捉鬼敢死隊的大集合！《捉鬼敢死隊：魅來世界》的史賓格拉家族——包括《Marvel隊長》麥根娜姬絲飾演的元祖捉鬼敢死隊已故成員伊剛史賓格拉 （Egon Spengler）的孫女菲比、《怪奇物語 》芬禾夫克飾演的孫仔卓佛、《戰雲密報》嘉莉浣恩飾演的伊剛女兒凱莉以及《蟻俠》巨星保羅活特飾演的學校暑期老師加利，組成的新一代捉鬼敢死隊，還有1984年元祖《捉鬼敢死隊》的幾位在世成員：《迷失東京》標梅利飾演的風流倜儻維克曼博士、《魔域奇兵》丹艾克萊飾演的傻大哥雷文史坦斯博士、《搖籃驚魂》昂尼赫辛飾演的富豪雲斯頓博士，而《反斗奇兵》安妮帕茲飾演的捉鬼敢死隊女秘書，亦會頂替伊剛史賓格拉位置，成為第四位元祖捉鬼敢死隊上陣捉鬼！《永恆族》卡苗蘭哲尼也加入演出重要角色，合力拯救家園，免於世界再度進入第二次冰河期！
正宗重回捉鬼原點 重製續集
「重製續集」（requal）是這個世代的電影新概念，在《捉鬼敢死隊：魅來世界》之後的《捉鬼敢死隊：冰封魅來》，更加強了重製續集元素，看起來很像1989年《捉鬼敢死隊2》的強化版。導演喬堅朗承諾，原版《捉鬼敢死隊》的角色們在這部最新續集中絕對不只是客串登場而已，各人都發揮重要功用。《捉鬼敢死隊：冰封魅來》故事背景由《捉鬼敢死隊：魅來世界》的俄克拉荷馬州，重新回到原版電影中的紐約市，而新舊世代的捉鬼敢死隊成員將會正式集結，對抗全新的恐怖大反派格勒卡（Garraka），是正宗回到捉鬼原點的重製續集。身為執行監製之一的元祖捉鬼敢死隊成員丹艾克萊都大讚喬堅朗與積遜懷文在《捉鬼敢死隊：冰封魅來》帶來一部充滿《捉鬼敢死隊》DNA的作品。
回歸消防大樓：捉鬼敢死隊之家
上一集《捉鬼敢死隊：魅來世界》的片尾片段，已拍到消防局大樓總部的鬼怪壓縮機中有東西蠢蠢欲動的情況，今集故事主線正是延續這個片段，一眾主角回歸紐約市曼克頓下城翠貝卡的消防大樓總部，這是史賓格拉家族新的家、新的工作室及實驗室，也是元組捉鬼敢死隊之家，會令所有《捉鬼敢死隊》粉絲的美好回憶返晒嚟！這裡不止是史賓格拉一家定居紐約的住所，也是他們繼承元祖捉鬼敢死隊已故成員伊剛史賓格拉捉鬼事業的地方，影片開場史賓格拉一家的新一代捉鬼敢死隊出動捉鬼，盡展元祖捉鬼敢死隊的神髓！
喬堅朗編劇升任導演一樣掂
今集由《捉鬼敢死隊：魅來世界》的編劇兼執行監製喬堅朗執導，他過去曾執導《鬼驅人》及動畫《魔怪屋》；上集導演兼編劇積遜懷文則為本片擔任編劇及執行監製，帶來一部比《捉鬼敢死隊：魅來世界》更精彩、故事結構更緊密、更深深流傳著《捉鬼敢死隊》DNA的系列正宗延續篇！已完成父子兵合作的兒子積遜懷文，在拍完《捉鬼敢死隊：魅來世界》後，已告訴父親、《捉鬼敢死隊》元祖導演艾芬懷文他和多年拍檔喬堅朗已構思好另一個延續的故事，決定要開拍正牌《捉鬼敢死隊》第四集《捉鬼敢死隊：冰封魅來》。可惜艾芬懷文在上一集《捉鬼敢死隊：魅來世界》上映幾個月後於睡夢中離世。童年已是《捉鬼敢死隊》粉絲的喬堅朗堅決表示：「每部《捉鬼敢死隊》電影水準極高，帶來不少經典電影場面，我亦立志要拍出對得起《捉鬼敢死隊》這個品牌的延續篇。」
#電影資料 Film Info
片名 Film title：《捉鬼敢死隊：冰封魅來》（Ghostbusters: Frozen Empire）
片種 Genre：奇幻、喜劇（Fantasy、Comedy）
導演 Director：《魔怪屋》喬堅朗 Gil Kenan
編劇 Writers：《寡佬飛行日記》 積遜懷文 Jason Reitman、喬堅朗 Gil Kenan
監製 Producer：《捉鬼敢死隊》艾芬懷文 Ivan Reitman
執行監製 Executive Producers：積遜懷文 Jason Reitman、喬堅朗 Gil Kenan、丹艾克萊 Dan Aykroyd
主演 Casts：
《蟻俠》保羅活特 Paul Rudd
《怪奇物語》芬禾夫克 Finn Wolfhard
《Marvel 隊長》麥根娜姬絲 Mckenna Grace
《戰雲密報》嘉莉浣恩 Carrie Coon
《迷失東京》標梅利 Bill Murray
《魔域奇兵》丹艾克萊 Dan Aykroyd
《搖籃驚魂》昂尼赫辛 Ernie Hudson
《反斗奇兵》安妮帕茲 Annie Potts
《五星級大鼠》柏頓奧斯禾特 Patton Oswalt
《永恆族》卡苗蘭哲尼 Kumail Nanjiani
片長 Duration： 115 分鐘 / mins
級數 Category： IIA
語言 Language： 英語（中文字幕）
上映日期 Release date：21-3-2024
#捉鬼敢死隊冰封魅來#GhostbustersFrozenEmpire#捉鬼敢死隊#冰封魅來#Ghostbusters#FrozenEmpire#FILMS#MOVIES#STILLS#TRAILER#CINEMA
官方都送咗電影海報Softcopy俾大家download
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook #吹咩不專業影評
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk
