《忍者龜：變異危機》- Teenage Mutant Ninja Turtles: Mutant Mayhem – 不專業影評 by Alan Leung 2
首先多謝 CHARGE SPOT HK，送戲飛俾我哋睇依套戲！
未入場睇嘅時候， 唔知點解個腦海成日都會出現 『忍者龜力量』，但睇完成套戲之後，佢哋一次都冇講過，真係超乎我想像！
《忍者龜：變異危機》 記得入場睇之前 唔好諗咁多童年回憶 ，因為係新嘅開始、新嘅故事、新嘅畫風 ，有好多嘢都改變咗，但係我覺得 比以前 更好睇！
首先係忍者龜嘅畫風 用咗好多街頭嘅龐克文化 漫畫插圖方式，再加上3D嘅角色骨架，真係好有突破 好有心機 。
雖然佢哋叫做『忍者龜』，但係其實 佢哋同我哋都係一樣， 係睇香港嘅「功夫電影」長大㗎！所以佢哋應該叫做『功夫龜』先啱呀！
話說孤獨嘅博士 發明咗神奇嘅基因改變藥水 
， 又可以叫做綠水。佢將綠水注射入唔同嘅生物，令到佢哋基因改變，變成非人類嘅合成新人類(啲人叫佢哋做怪獸)。孤獨博士就將呢啲動物合成人叫做家人，而烏蠅仔(烏蠅哥)就係佢嘅大仔，仲有野豬仔、犀牛仔等等。
壞人財團為咗要偷取孤獨博士嘅綠水，就大隊攻擊博士嘅屋企。就係攻擊博士屋企嘅時候，孤獨博士意外身亡，所以烏蠅哥就帶同一班兄弟逃走。喺混戰期間，其中一支綠水 唔小心跌咗落坑渠。就係咁，滴左落去四隻龜仔嘅身上邊，而老鼠想去救龜仔嘅時候，唔小心揩到啲基因綠水啊！
就係因為基因綠水緣故，老鼠仔變成咗老鼠人， 而佢就開始照顧左四隻龜仔BB。四隻龜仔BB長大咗之後，就變成忍者龜啦！
今次故事同以往有啲唔同，老鼠人並唔係師傅，而變咗忍者龜嘅爸爸。其後佢哋就再預返其他嘅基因動物 ，喺互相了解之後，一齊反抗烏蠅哥嘅陰謀，變成咗一家基因改造人。
而四隻忍者龜 與實習記者愛普，喺對戰烏蠅哥事件中， 拯救咗城市危機，成為咗城市英雄！ 最終被人類接納，變回綠色嘅普通人(英雄)， 可以去普通啲人類學校讀書，仲識咗好多新嘅朋友 。
唔知新嘅故事， 又會唔會 發展出 一個新嘅忍者龜時代呢？ 真係好希望， 可以睇到第二集呀！
《忍者龜：變異危機》- Teenage Mutant Ninja Turtles: Mutant Mayhem
上映日期： 2023年8月10日, Thu (公映)
導演： 謝夫羅爾
主演： 配音: 米卡艾比, 森文布朗, 露絲拜恩, 尼古拉斯簡圖, 約翰辛納, 成龍, 艾士高比, 娜塔莎迪米翠, 艾奧埃德比利, 簡卡洛艾斯波西托, 波斯特馬龍, 畢迪般恩, 薛夫洛根, 保羅活特, 美雅諾道芙
片種：動畫
語言：英語 / 粤語
片長：1小時33分
級別：IIA
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Website
www.chairmen.hk
