【#咩FILM】【#咩電影】【#咩MOVIES】
【吹咩不專業影評】
《游夜水》 – “Night Swim”
#吹咩不專業影評 #不專業影評 #觀後感 by Alan Leung 2
《游夜水》VIP Screening
記得第一次喺戲院入邊睇到《游夜水》嘅電影預告片,女演員一個人喺個泳池中間成分鐘,真係好少見電影預告夠膽用個咁長嘅Take。女演員喺度同空氣講嘢!梗係實有恐怖嘢發生啦!之後就被拉咗落水⋯⋯跟住就POPUP 《游夜水》三個字,呢三個字就唔知點解刻咗喺我心入邊⋯⋯嘩!好似好正咁,好想一上影就即刻去睇。
收到Windy姐嘅邀請去睇《游夜水》,嘩機會嚟啦飛雲!我就梗係急不及待咁做功課啦!睇吓啲poster啊、劇照啊、簡介呀、新舊Trailer等等啦⋯⋯真係未睇先驚驚(興奮)。
未睇套電影嘅前幾日,已經好多朋友仔討論緊《游夜水》,討論緊驚唔驚?驚唔驚?⋯⋯我話:「驚呀!第一日睇預告片就已經驚啦!」⋯⋯佢哋不約而同咁樣回覆我:「驚呀!⋯⋯超級驚呀!溫子仁喎!」⋯⋯我即刻驚到面都青晒!仲以為發生『曼德拉效應』⋯⋯到入埋戲院嘅時候,都再一次check吓poster同埋片單!⋯⋯睇完套戲,Windy姐再check check我有冇事「俾溫子仁大到!」。好彩,我真係有溫習,再複習,再Fact Check,明明人地大大隻字寫住「溫子仁 公司監製、溫子仁 主理嘅公司製作、IMDB 都寫 溫子仁 係其中一個 Producer」但係 大家點解 唔俾吓面 導演+編劇 「布萊斯馬克圭爾」Bryce McGuire 呢? 下次 「溫生」要試吓做 燈光 Best Boy, 睇吓 又會係咩新玩法。 大家又有冇搵下小弟 「Alan Leung」有份出演嘅電影、短片或製作呢?我諗⋯⋯應該無⋯⋯「Alan梁二喎!」⋯⋯無⋯⋯No⋯⋯Sor⋯⋯無。Fine!OK!
BTS – Alan Leung
麵店客人 + 掉紙碎
日記上的繪畫
現場Setting
Director Jesse Barnes
BTS + 伙計 – Alan Leung
好講返《游夜水》VIP Screening,今次收到靚靚戲飛!仲喺戲院門口睇到一個靚靚嘅水紋Projection!當然仲有俾 戲院入邊 大大 screen 上面 寫住嘅《詭修女》驚慄大師監製溫子仁 JAMES WAN X 《人工殺姬》BLUMHOUSE公司監督 嚇親啦!
開場啦!電影《游夜水》開始嘅時候平平無奇,可能係因為預告片入邊「泳池」實在太深刻啦!一見到泳池「恐怖嘢就即刻發生」,千祈唔好以為《游夜水》嘅恐怖嘢只係喺夜晚發生,其實任何時候,只要一見到泳池,甚至之後淨係見到水,都可以嚇死你⋯⋯ 「泳池」嘅驚嚇程度,真係一浪接一浪。恐怖係源於,大家都唔知驚啲乜,可能係怪獸、可能係水鬼、定係自己嘅幻覺呢?唔睇到結尾,你真係一啲都估唔到!嗱!呢啲咪就係「導演」同埋「編劇」嘅威力囉!大家要記住「布萊斯馬克圭爾」啦!不過我諗,大家轉頭就唔記得咗佢個名,因為實在太難記啦!
驚嚇內容同埋情節我就唔講咁多啦!想知嘅話當然就係買飛去睇啦!除咗故事內容之外,其實拍攝水底、水中、半水中嘅畫面,真實感都超級大,真係好似我哋游緊水,或者浮喺水咁,第一身同第二身嘅感覺都真係超浮/水呀!如果又要拉返吓「溫生」嚟講,唔通?又同水行俠拍攝水底效果嗰班幕後製作單位有關咩?又可能喎⋯⋯吹水咩。
少少劇透,我覺得今次《游夜水》係有啲隱寓,有啲似《驅魔人》,你哋又覺得呢?大家不妨討論吓!
官方資料:
【#咩FILM】【#咩電影】【#咩MOVIES】
《游夜水》 – “Night Swim”
仲敢落水 1月4日 隨時冇命
#故事大綱#SYNOPSIS
《詭屋驚凶實錄》《兒凶》系列恐怖巨匠溫子仁主理的Atomic Monster公司,聯同出產《接駁靈聲》《隱形客》的Blumhouse公司,自口碑票房雙贏《人工殺姬》後,再攜手炮製由環球影業發行的2024開年首部人氣驚嚇力作——《游夜水》(NIGHT SWIM),帶領觀眾深入探索水底下的超自然恐怖最深處!
Ray 是前美國職棒大聯盟球員,因患上了一種退行性疾病,而被迫提前退役,更與妻子Eve、女兒Lzzy、年幼兒子Elliot搬新家。Ray面對重重困難,還是希望能夠重返球壇,他說服Eve新居後花園要有泳池,一來可以讓他進行物理治療,二來又能為孩子們的平淡生活帶來樂趣。但這個家庭過去並不簡單,隱藏著的黑暗秘密在泳池中釋放出一股邪惡力量,將他們逐一拖入不可避免恐怖深淵⋯⋯
《游夜水》 – “Night Swim” – A Look Inside – 深入解析片段
《游夜水》最艱鉅的選角挑戰
找到電影中的怪物———游泳池
《游夜水》最艱鉅的選角挑戰是找到它的怪物——Walker家族的游泳池。 導演布萊斯希望在荷李活外景地建造致命的游泳池,但 2022 年至 2023 年異常潮濕的冬季以及創紀錄的降水量打亂了該計劃。 於是,一場史詩般的南加州後院偵察之旅就這樣開始了。布萊斯說:「我們在洛杉磯幾乎每個街區裡尋找帶游泳池的房子,我們需要一個周圍有足夠空間的大水池,因為我希望當一個角色獨自在水中時,你會感覺自己身處一個被黑暗包圍的島上。 我還想要土地上有大樹,但不是棕櫚樹; 我希望這部電影感覺它可以發生在美國的任何地方。 但我們是在洛杉磯拍攝,所以這並不容易。 有太多的選擇,我們幾乎試圖通過將一棟房子的前面、另一棟房子的後面和另一棟房子的游泳池拼湊在一起來『工作』,但這變得非常令人頭痛。」布萊斯最終在加州的阿爾塔迪納找到了他的夢魘燃料,這是一個種族多元化的中產階級郊區社區,位於洛杉磯東北約 13 英里,靠近帕薩迪納。 布萊斯說:「房子裡有我們想要的一切,院子的深處被巨大的活橡樹包裹着,感覺就像一張張開的大嘴即將把你整個吞下去。 游泳池超過 9 英尺深、44 英尺長,配有跳水板和有趣的輪廓。 當我從二樓的窗戶往下看到游泳池時,我驚呆了。 這就是我想像的一切。」(有些場景確實需要更深的水,因此布萊斯在加州查茨沃斯的一個 13 英尺深的奧林匹克規格的水池中拍攝了四天。)
每個演員在拍攝前都必須通過基本的游泳測試,而且與他們那些陷入困境的角色不同的是,演員們在每次拍攝過程中總是有救生員在旁邊看著他們。在Walker一家發現廢棄水池的早期場景中,水池裡佈滿了落葉,上面覆蓋著浮渣藻類(以及Ray不小心滑入其中的那一刻),設計師Hillary Gurtler和藝術部門團隊創作了大型乙烯基印刷品安裝在泳池底部,營造出污水的錯覺,從而防止損壞泳池,讓Wyatt Russell免去在淤泥中掙扎的不愉快。由於水池必須從無法察覺的地下區域噴出氣泡,因此特效主管Zak Knight負責修改實際的水池,使其噴出邪惡的黑色水。 為了達到這一效果,團隊將超過 27,000 加侖的水轉移到街道上的儲水箱中並保溫,以便第二天將其送回水池中。 特效技術人員Cade Fall隨後安裝了特殊的軟管和噴嘴,可以滲透出各種圖案和大小的超自然氣泡,邪惡實體會從中出現並返回。
官方都送咗電影海報Softcopy俾大家download
《游夜水》 – “Night Swim”
上映日期: 2024年1月4日(四)
導演: #布萊斯馬克圭爾#BryceMcGuire
主演: #懷特羅素、 #凱莉肯頓、 #艾蜜莉霍佛勒、 #GavinWarren
片種:恐怖
語言:英語
片長:99分鐘
級別:IIB
電影預告: https://youtu.be/Yy8YZyAwzWE
發行: #環球影業 (香港) 有限公司
Universal Pictures #游夜水#NightSwim #FILMS #MOVIES #CINEMA #STILLS #POSTER #TRAILER #WyattRussell#KerryCondon#AmélieHoeferle
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook 吹咩不專業影評
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk