【#咩FILM】【#咩电影】【#咩MOVIES】
【吹咩不专业影评】
《填词L》The Lyricist Wannabe
#吹咩不专业影评 #不专业影评 #观后感 by Alan Leung 2
《填词L》The Lyricist Wannabe – 观后感 by Alan Leung 2
仲记得第一次睇填词L嘅预告片,记得已经系好几个月之前!当期时仲问阿Bon,几时有得睇优先场啊?阿Bon话实预埋我⋯⋯点知!等吓一个月、等吓又一个月,到到首映都上埋,最后都冇送飞俾我睇!咁我就唯有自己买飞睇啦!
笔者 Alan梁二 作为一个填词人,去睇返套填词人嘅故事,真系超级感动!主角嘅梦想就系想成为一个填词人,而我以前嘅梦想都系差唔多。试过有朋友揾我填词,又试过比朋友出卖,偷咗我嘅作品话系佢自己嘅。呢啲经历,有啲似故事嘅主人翁,真系感同身受。
好记得有朋友揾我填词,最终制作成歌,朋友自己仲烧埋CD有埋cover同歌词,直头同女主角嘅经历一模一样。女主角同笔者我自己都经历过打电话去CASH度问过,究竟我点样先至可以成为填词人呀?CASH佢哋嘅回复,喺电影同埋现实世界都系一样,首先首歌系真系发行咗,仲要系有注册嘅发行公司发行,而demo CD系唔计算在内架⋯⋯
其实想做填词人仲有另外一个选择又或者系方法,就系自己嘅歌公开演出三次,咁乜嘢系公开演出呢?原来又系要有指定嘅场所规限!我自己都亲身经历过⋯⋯好彩嘅系,我有一个好好嘅监制Partner Ella C.,同我创立咗「苏喇孜 Solazi Music」同埋「French Concession 法国租界」!仲带咗我去好多唔同嘅地方演出,唱咗好多首我填嘅歌词!当然仲要感谢同我哋合作过嘅塲地,好似「Full Cup Music 呼吸Cafe」「PMQ」「Island East Market」等等⋯⋯
记得我自己仲胆粗粗咁,将所有自己填词嘅作品,喺现场演出𠮶阵时「录影」晒,再加埋「录音」埋,之后再揾返所有场地经理人签名!最终搞咗一段时间,我真系成为咗一个CASH认证嘅「填词人」,真系大感动呀!我攞住张Cert同会员证返屋企𠮶阵时仲喊咗出嚟⋯⋯(啱啱先知!原来我都同几多个出名Artist同年八入会)⋯⋯哈哈!
讲返「填词L」先!女主角佢嘅故事同埋经历90%就同本人一模一样!好多小成功,又遇到一啲小失败又或者大挫折,睇住套戏简直望住自己嘅日记簿咁!因为好庆幸我真系成为咗个填词人,但系填子L嘅主角呢⋯⋯留返你哋自己入戏院睇囉!
追梦真系要好努力同要有好大勇气!因为好可能好多人都睇唔起你,又或者成日话唔知你做紧乜,不过你自己知咪得囉!
千祈唔好,因为其他人而放弃。但一定要感激喺你身边曾经帮过你,同埋不离不弃支持你嘅人。如果你都钟意填词,不如为佢哋填返手词啦!
喜欢追梦嘅你,定系追紧梦嘅你,又或者已经圆梦嘅你,都一定要入塲去睇下,感受一下,又或者回忆一下,追梦嘅点滴!记得要,听晒所有歌先好离塲呀!仲要细心学习一下 0243⋯⋯哈哈!
官方资料:
【#咩FILM】【#咩MOVIES】【#咩电影】
《填词L》荣获 #第60届金马奖颁奖典礼 两项提名
提名「#最佳女主角」 #钟雪莹 及
提名「#最佳改编剧本」 导演兼编剧 #黄绮琳 回应
Edko Films Ltd. 安乐影片填词L The Lyricist Wannabe
由 #黄锎 监制,黄绮琳执导兼编剧之新片《填词L》荣获第60届金马奖颁奖典礼两项提名,包括女主角钟雪莹提名「最佳女主角」及黄绮琳提名「最佳改编剧本」,二人均首度提名上述奖项,现透过文字答谢大家的祝贺:
钟雪莹:
「谢谢大会,谢谢《填词L》的所有工作人员守望相助,谢谢广东歌。黄锎黄绮琳刚刚约了我今晚食烧肉,就像当初叫我一起拍电影如此即兴又认真,我会多吃几块!谢谢!」
黄绮琳:
「第二次参加金马奖,感觉比第一次还紧张。上次最高兴是《金都》朱栢康提名最佳男主角,今次《填词L》入围两个奖项,非常开心尤其是钟雪莹提名最佳女主角,超级幸运有她,一个超级会演戏的填词人,一个超级会填词的最佳女主角!恭喜!赶紧庆祝一下!」
《填词L》由金像奖新晋导演奖得主黄绮琳执导,黄锎监制,为《金都》后又一清新细腻之作,更是电影史上首部关于粤语歌词的作品,由新世代填词人兼金像奖新演员钟雪莹主演, #陈毅燊、 #葛民辉、 #吴冰、 #邓丽英、 #胡子彤、 #潘宗孝、 #戴玉麒、 #陈书昕、 #吴家忻 等联合演出。
《填词L》故事讲述「#天生我材必有用」罗颖诗(钟雪莹 饰)误信师长的谗言,认定写歌词是她这辈子的使命,立志要当填词人!好事多磨,尽管阿诗扭尽六壬、奇招百出,一边增进填词功力、一边广结善缘,仍未能成功入行,做不成填词人,反沦为填词L。「只要有恒心,铁柱磨成针」,填词L揹著梦想的包袱在填满遗憾的道上狂奔!
#填词L#MOVIES#FILMS#COMINGSOON#CINEMA
官方都送咗电影海报Softcopy俾大家download
记得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook #吹咩不专业影评
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk