【#咩FILM】【#咩電影】【#咩MOVIES】
【吹咩不專業影評】
《填詞L》The Lyricist Wannabe
#吹咩不專業影評 #不專業影評 #觀後感 by Alan Leung 2
《填詞L》The Lyricist Wannabe – 觀後感 by Alan Leung 2
仲記得第一次睇填詞L嘅預告片，記得已經係好幾個月之前！當期時仲問阿Bon，幾時有得睇優先場啊？阿Bon話實預埋我⋯⋯點知！等吓一個月、等吓又一個月，到到首映都上埋，最後都冇送飛俾我睇！咁我就唯有自己買飛睇啦！
筆者 Alan梁二 作為一個填詞人，去睇返套填詞人嘅故事，真係超級感動！主角嘅夢想就係想成為一個填詞人，而我以前嘅夢想都係差唔多。試過有朋友搵我填詞，又試過比朋友出賣，偷咗我嘅作品話係佢自己嘅。呢啲經歷，有啲似故事嘅主人翁，真係感同身受。
好記得有朋友搵我填詞，最終製作成歌，朋友自己仲燒埋CD有埋cover同歌詞，直頭同女主角嘅經歷一模一樣。女主角同筆者我自己都經歷過打電話去CASH度問過，究竟我點樣先至可以成為填詞人呀？CASH佢哋嘅回覆，喺電影同埋現實世界都係一樣，首先首歌係真係發行咗，仲要係有註冊嘅發行公司發行，而demo CD係唔計算在內架⋯⋯
其實想做填詞人仲有另外一個選擇又或者係方法，就係自己嘅歌公開演出三次，咁乜嘢係公開演出呢？原來又係要有指定嘅場所規限！我自己都親身經歷過⋯⋯好彩嘅係，我有一個好好嘅監製Partner Ella C.，同我創立咗「蘇喇孜 Solazi Music」同埋「French Concession 法國租界」！仲帶咗我去好多唔同嘅地方演出，唱咗好多首我填嘅歌詞！當然仲要感謝同我哋合作過嘅塲地，好似「Full Cup Music 呼吸Cafe」「PMQ」「Island East Market」等等⋯⋯
記得我自己仲膽粗粗咁，將所有自己填詞嘅作品，喺現場演出嗰陣時「錄影」晒，再加埋「錄音」埋，之後再搵返所有場地經理人簽名！最終搞咗一段時間，我真係成為咗一個CASH認證嘅「填詞人」，真係大感動呀！我攞住張Cert同會員證返屋企嗰陣時仲喊咗出嚟⋯⋯(啱啱先知！原來我都同幾多個出名Artist同年八入會)⋯⋯哈哈!
講返「填詞L」先！女主角佢嘅故事同埋經歷90%就同本人一模一樣！好多小成功，又遇到一啲小失敗又或者大挫折，睇住套戲簡直望住自己嘅日記簿咁！因為好慶幸我真係成為咗個填詞人，但係填子L嘅主角呢⋯⋯留返你哋自己入戲院睇囉！
追夢真係要好努力同要有好大勇氣！因為好可能好多人都睇唔起你，又或者成日話唔知你做緊乜，不過你自己知咪得囉！
千祈唔好，因為其他人而放棄。但一定要感激喺你身邊曾經幫過你，同埋不離不棄支持你嘅人。如果你都鍾意填詞，不如為佢哋填返手詞啦！
喜歡追夢嘅你，定係追緊夢嘅你，又或者已經圓夢嘅你，都一定要入塲去睇下，感受一下，又或者回憶一下，追夢嘅點滴！記得要，聽晒所有歌先好離塲呀！仲要細心學習一下 0243⋯⋯哈哈！
官方資料:
【#咩FILM】【#咩MOVIES】【#咩電影】
《填詞L》榮獲 #第60屆金馬獎頒獎典禮 兩項提名
提名「#最佳女主角」 #鍾雪瑩 及
提名「#最佳改編劇本」 導演兼編劇 #黃綺琳 回應
Edko Films Ltd. 安樂影片填詞L The Lyricist Wannabe
由 #黃鐦 監製，黃綺琳執導兼編劇之新片《填詞L》榮獲第60屆金馬獎頒獎典禮兩項提名，包括女主角鍾雪瑩提名「最佳女主角」及黃綺琳提名「最佳改編劇本」，二人均首度提名上述獎項，現透過文字答謝大家的祝賀：
鍾雪瑩：
「謝謝大會，謝謝《填詞L》的所有工作人員守望相助，謝謝廣東歌。黃鐦黃綺琳剛剛約了我今晚食燒肉，就像當初叫我一起拍電影如此即興又認真，我會多吃幾塊！謝謝！」
黃綺琳：
「第二次參加金馬獎，感覺比第一次還緊張。上次最高興是《金都》朱栢康提名最佳男主角，今次《填詞L》入圍兩個獎項，非常開心尤其是鍾雪瑩提名最佳女主角，超級幸運有她，一個超級會演戲的填詞人，一個超級會填詞的最佳女主角！恭喜！趕緊慶祝一下！」
《填詞L》由金像獎新晉導演獎得主黃綺琳執導，黃鐦監製，為《金都》後又一清新細膩之作，更是電影史上首部關於粵語歌詞的作品，由新世代填詞人兼金像獎新演員鍾雪瑩主演， #陳毅燊、 #葛民輝、 #吳冰、 #鄧麗英、 #胡子彤、 #潘宗孝、 #戴玉麒、 #陳書昕、 #吳家忻 等聯合演出。
《填詞L》故事講述「#天生我材必有用」羅穎詩（鍾雪瑩 飾）誤信師長的讒言，認定寫歌詞是她這輩子的使命，立志要當填詞人！好事多磨，儘管阿詩扭盡六壬、奇招百出，一邊增進填詞功力、一邊廣結善緣，仍未能成功入行，做不成填詞人，反淪為填詞L。「只要有恆心，鐵柱磨成針」，填詞L揹著夢想的包袱在填滿遺憾的道上狂奔！
#填詞L#MOVIES#FILMS#COMINGSOON#CINEMA
官方都送咗電影海報Softcopy俾大家download
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook #吹咩不專業影評
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk
