【#咩FILM】【#咩电影】【#咩MOVIES】
【吹咩不专业影评】
《味游心窝》 – The Pot-au-Feu
(La Passion de Dodin Bouffant / The Taste of Things)
#吹咩不专业影评 #不专业影评 #观后感 by Alan Leung 2
《味游心窝》传媒优先场
食物可以令人感动 亦可以令人延续生命
味道可以令人回忆 亦可以令人继续寻觅
见到陈英雄导演嘅名字,就谂起《三轮车夫》同埋梁朝伟!讲返啲题外话,其实都有另外一套《三轮车夫》不过系短片嚟嘅,俄罗斯导演澳门拍摄,仲有我帮手做casting添,哈哈!
今次嘅传媒优先场,一入场竟然冇广告,戏院突然黑晒就直接播放电影,我以为系因为光暗渐变关系,对眼睇落朦朦地,但原来唔系呀!整套电影都系用淡嘅颜色去拍摄,有少少似Log mode加上少少对比色,室外拍摄嘅时候,爆咗光嘅地方就由得佢爆,室内暗嘅时候就由得佢超大微粒,大微粒到直头廿几万ISO咁样,不过我觉得咁样好有feel,因为成套戏都真系好好睇,都未讲有啲咩好睇,我就先俾咗5先啦!
电影一开始就讲紧收割食材,之后就系15至到20分钟不同角度嘅煮食场面,间唔中都会加插客人嘅饮食画面。喺厨房煮食,厨师同助手各有各忙,纵横交错嘅走位,搬弄菜式镜头转移,各人步伐嘅steady cam拍摄,全个场景忙中有序,每一个角色都好知道自己嘅工作系啲乜嘢,帮手切菜、加水、试味、传递菜式、分配食物俾客人,每一步每一刻每一秒,每个人都冇碰撞到另外一个人。由呢一度你就可以明白,团体嘅合作性,又或者角色与角色之间都实在太了解对方啦!同时间我哋可以睇到导演、摄影师、同埋拍摄团队嘅功力,拍出一个好立体嘅厨房。
每一个煮食嘅镜头、角度、close up,都非常细致;再加上唔同嘅声音效果,煮食嘅声音、步行嘅声音,令到观众同埋我都置身喺厨房同埋食物之中。每一个煮食嘅镜头,唔知点解都会令我感觉到系闻到气味㗎!系有温度㗎!热嘅食物,你会觉得好热,会由角色佢哋试味去吹嘅动作,又或者唔同嘅手部动作同要用嘅工具,令到你感觉到𠮶种真实感。冻嘅温度,都有演绎,就好似冰,就好似自制雪糕,好一度「火焰雪山」大家真系要细心留意啊!连角色都可以话俾你听,我食到想喊,角色话:「我唔知点解会有呢种感觉」⋯⋯系呀!有时食到一啲好食嘅嘢,就会有呢一种感觉!我而家都开始明白「火头自多星-味王」𠮶种「好好食呀!」到要喊出嚟嘅感觉。
《味游心窝》用食物联系角色,用食物联系感情,用食物去讲述人际关系,每一个角色每一个人物,甚至我哋都同食物有关。食真系无处不在,食真系无时不在。永远只能回味,回味嘅原来都系喺味道当中。
今次,唔太想讲太多电影故事嘅内容,同埋角色之间嘅关系,净系讲拍摄手法同埋颜色,已经超级好睇!真心希望大家买飞去戏院睇一次!喺戏院感受一次陈英雄导演同埋拍摄团队嘅威力,细心留意每一个Camera movement,尤其系「开头厨房嘅场景」到后来「朋友们为男主角寻找厨师名单嘅场景」,欣赏一下角色同镜头走位、同埋窗边嘅阳光(灯光加烟机效果)。最紧要就系要睇埋结尾𠮶个360长镜渐变,同埋要留意一句对白「你想我做你的妻子,还是你想我做你的厨师?」唔同人睇,会睇到唔同嘅感受,你呢,你哋又睇到系乜呢?大家一齐讨论吓分享吓。
官方资料:
【#咩FILM】【#咩电影】【#咩MOVIES】
《味游心窝》 – The Pot-au-Feu
(La Passion de Dodin Bouffant / The Taste of Things)
1月25日 众里寻味 | In Cinemas January 25
《康城影展》「最佳导演」大奖
《奥斯卡》「最佳国际电影奖」15强
尝尽世间七色五味… 也不及与你编织的苦甜滋味
由《青木瓜之味》《三轮车伕》《挪威的森林》著名导演陈英雄执导,联同两位法国影帝影后 — 《别问我是谁》《似是有缘人》茱丽叶庇洛仙及 《钢琴教师》宾诺尔马基梅倾力演出的最新作品《味游心窝》The Pot-au-Feu / La Passion de Dodin Bouffant / The Taste of Things,于2023年康城影展放映后获影评高度赞赏,并夺得「最佳导演」一奖,及后更挤进《奥斯卡》「最佳国际电影奖」15强!电影带领观众走进七色五味的美食世界,一起尝尽两位主角当中的爱情甜苦之味。《味游心窝》将于1月25日香港戏院上映。
饮食男女,人之大欲存焉!时为 1885 年,厨师尤珍妮(茱丽叶庇洛仙 饰)、美食家多丹(宾诺尔马基梅 饰)已紧密合作 20 个年头,彼此累积的知识与默契,造就出多道直教天下厨师啧啧称奇的绝顶佳肴,令人猜疑当中可有用爱入馔?多丹深明尤珍妮早就知道他的心意,奈何对方爱他同时也更爱自由 – 为此,多丹决定破天荒为尤珍妮亲自下厨,为求博得灵魂伴侣的欢心…
与导演的对话
和我们谈谈你的电影的起源…
我一直在寻找一个与美食有关的主题,既是一种职业又是一种艺术。我最终找到了一本关于美食的巨著,Marcel Rouff的The Life and Passion of Dodin-Bouffant: Gourmet《美食家多丹·布方特的生活与激情》。
Marcel Rouff的小说以Eugénie Chatagne从菜市场回家后突然去世开始。 但你更希望她活着,和多丹在一起。
我更希望把这故事作为Marcel Rouff小说的前传来讲述。 这让我可以自由地想像尤珍尼和多丹之间的关系。 这也是一个探索电影中罕见事物的机会:夫妻关系。 成功的例子甚至罕见。
这对夫妇在二十世纪初属于很另类和不同寻常的合作关系…
是,看到他们那年纪的人,正如男主角所说,在人生的秋天,对生活仍充满渴望,是一种奇妙的感觉,我将其描述为典型法国人。没有浪漫或燃烧的激情,只有在与世界和自然界的平静关系中有序和克制的东西。我欣赏法国艺术和心态中的冷静和尺度。从这意义上,我认为我的电影非常法国化。
这其实是一部关于分享和传承的电影……
我来自亚洲,那里的人不会轻易将自己的知识传承下去。我们更愿意将知识带入坟墓。尤珍妮去世后,多丹的朋友们开始着迷于帮助他回复正常生活。但多丹仍沈浸在悲痛之中,断然拒绝雇用新厨师。但因为尤珍妮答应收宝琳为徒,他才不得不找一个厨师来培养宝琳。因此,将知识传授给宝琳和多丹的重生都是在同一叙事笔触下进行的。
导演/改编剧本: 陈英雄 TRÀN ANH HÙNG 《青木瓜之味》《三轮车伕》《挪威的森林》
演员:茱丽叶庇洛仙 JULIETTE BINOCHE 《别问我是谁》《似是有缘人》
宾诺尔马基梅 BENOÎT MAGIMEL《钢琴教师》
烹饪顾问:皮亚.加尼耶PIERRE GAGNAIRE-米其林三星主厨
古装/爱情/剧情片
级别:IIB
片长:134分钟
语言:法文对白 (附中英文字幕)
First Distributors | Hong Kong
#味游心窝#ThePotauFeu#LaPassiondeDodinBouffant#TheTasteofThings#MOVIES#FILMS#CINEMA#COMiNGSOON#POSTER#STILLS#陈英雄#TRÀNANHHÙNG#茱丽叶庇洛仙#JULIETTEBINOCHE#宾诺尔马基梅#BENOÎTMAGIMEL
官方都送咗电影海报Softcopy俾大家download
记得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook 吹咩不专业影评
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk