【#咩FILM】【#咩電影】【#咩MOVIES】
【吹咩不專業影評】
《味遊心窩》 – The Pot-au-Feu
(La Passion de Dodin Bouffant / The Taste of Things)
#吹咩不專業影評 #不專業影評 #觀後感 by Alan Leung 2
《味遊心窩》傳媒優先場
食物可以令人感動 亦可以令人延續生命
味道可以令人回憶 亦可以令人繼續尋覓
見到陳英雄導演嘅名字，就諗起《三輪車夫》同埋梁朝偉！講返啲題外話，其實都有另外一套《三輪車夫》不過係短片嚟嘅，俄羅斯導演澳門拍攝，仲有我幫手做casting添，哈哈！
今次嘅傳媒優先場，一入場竟然冇廣告，戲院突然黑晒就直接播放電影，我以為係因為光暗漸變關係，對眼睇落朦朦地，但原來唔係呀！整套電影都係用淡嘅顏色去拍攝，有少少似Log mode加上少少對比色，室外拍攝嘅時候，爆咗光嘅地方就由得佢爆，室內暗嘅時候就由得佢超大微粒，大微粒到直頭廿幾萬ISO咁樣，不過我覺得咁樣好有feel，因為成套戲都真係好好睇，都未講有啲咩好睇，我就先俾咗5
先啦！
電影一開始就講緊收割食材，之後就係15至到20分鐘不同角度嘅煮食場面，間唔中都會加插客人嘅飲食畫面。喺廚房煮食，廚師同助手各有各忙，縱橫交錯嘅走位，搬弄菜式鏡頭轉移，各人步伐嘅steady cam拍攝，全個場景忙中有序，每一個角色都好知道自己嘅工作係啲乜嘢，幫手切菜、加水、試味、傳遞菜式、分配食物俾客人，每一步每一刻每一秒，每個人都冇碰撞到另外一個人。由呢一度你就可以明白，團體嘅合作性，又或者角色與角色之間都實在太了解對方啦！同時間我哋可以睇到導演、攝影師、同埋拍攝團隊嘅功力，拍出一個好立體嘅廚房。
每一個煮食嘅鏡頭、角度、close up，都非常細緻；再加上唔同嘅聲音效果，煮食嘅聲音、步行嘅聲音，令到觀眾同埋我都置身喺廚房同埋食物之中。每一個煮食嘅鏡頭，唔知點解都會令我感覺到係聞到氣味㗎！係有溫度㗎！熱嘅食物，你會覺得好熱，會由角色佢哋試味去吹嘅動作，又或者唔同嘅手部動作同要用嘅工具，令到你感覺到嗰種真實感。凍嘅溫度，都有演繹，就好似冰，就好似自製雪糕，好一度「火焰雪山」大家真係要細心留意啊！連角色都可以話俾你聽，我食到想喊，角色話：「我唔知點解會有呢種感覺」⋯⋯係呀！有時食到一啲好食嘅嘢，就會有呢一種感覺！我而家都開始明白「火頭自多星-味王」嗰種「好好食呀！」到要喊出嚟嘅感覺。
《味遊心窩》用食物聯繫角色，用食物聯繫感情，用食物去講述人際關係，每一個角色每一個人物，甚至我哋都同食物有關。食真係無處不在，食真係無時不在。永遠只能回味，回味嘅原來都係喺味道當中。
今次，唔太想講太多電影故事嘅內容，同埋角色之間嘅關係，淨係講拍攝手法同埋顏色，已經超級好睇！真心希望大家買飛去戲院睇一次！喺戲院感受一次陳英雄導演同埋拍攝團隊嘅威力，細心留意每一個Camera movement，尤其係「開頭廚房嘅場景」到後來「朋友們為男主角尋找廚師名單嘅場景」，欣賞一下角色同鏡頭走位、同埋窗邊嘅陽光(燈光加煙機效果)。最緊要就係要睇埋結尾嗰個360長鏡漸變，同埋要留意一句對白「你想我做你的妻子，還是你想我做你的廚師？」唔同人睇，會睇到唔同嘅感受，你呢，你哋又睇到係乜呢？大家一齊討論吓分享吓。
官方資料:
【#咩FILM】【#咩電影】【#咩MOVIES】
《味遊心窩》 – The Pot-au-Feu
(La Passion de Dodin Bouffant / The Taste of Things)
1月25日 眾裡尋味 | In Cinemas January 25
《康城影展》「最佳導演」大獎
《奧斯卡》「最佳國際電影獎」15強
嚐盡世間七色五味… 也不及與你編織的苦甜滋味
由《青木瓜之味》《三輪車伕》《挪威的森林》著名導演陳英雄執導，聯同兩位法國影帝影后 — 《別問我是誰》《似是有緣人》茱麗葉庇洛仙及 《鋼琴教師》賓諾爾馬基梅傾力演出的最新作品《味遊心窩》The Pot-au-Feu / La Passion de Dodin Bouffant / The Taste of Things，於2023年康城影展放映後獲影評高度讚賞，並奪得「最佳導演」一獎，及後更擠進《奧斯卡》「最佳國際電影獎」15強！電影帶領觀眾走進七色五味的美食世界，一起嚐盡兩位主角當中的愛情甜苦之味。《味遊心窩》將於1月25日香港戲院上映。
飲食男女，人之大欲存焉！時為 1885 年，廚師尤珍妮（茱麗葉庇洛仙 飾）、美食家多丹（賓諾爾馬基梅 飾）已緊密合作 20 個年頭，彼此累積的知識與默契，造就出多道直教天下廚師嘖嘖稱奇的絕頂佳餚，令人猜疑當中可有用愛入饌？多丹深明尤珍妮早就知道他的心意，奈何對方愛他同時也更愛自由 – 為此，多丹決定破天荒為尤珍妮親自下廚，為求博得靈魂伴侶的歡心…
與導演的對話
和我們談談你的電影的起源…
我一直在尋找一個與美食有關的主題，既是一種職業又是一種藝術。我最終找到了一本關於美食的巨著，Marcel Rouff的The Life and Passion of Dodin-Bouffant: Gourmet《美食家多丹·布方特的生活與激情》。
Marcel Rouff的小說以Eugénie Chatagne從菜市場回家後突然去世開始。 但你更希望她活著，和多丹在一起。
我更希望把這故事作為Marcel Rouff小說的前傳來講述。 這讓我可以自由地想像尤珍尼和多丹之間的關係。 這也是一個探索電影中罕見事物的機會：夫妻關係。 成功的例子甚至罕見。
這對夫婦在二十世紀初屬於很另類和不同尋常的合作關係…
是，看到他們那年紀的人，正如男主角所説，在人生的秋天，對生活仍充滿渴望，是一種奇妙的感覺，我將其描述爲典型法國人。沒有浪漫或燃燒的激情，只有在與世界和自然界的平靜關係中有序和克制的東西。我欣賞法國藝術和心態中的冷靜和尺度。從這意義上，我認爲我的電影非常法國化。
這其實是一部關於分享和傳承的電影……
我來自亞洲，那裡的人不會輕易將自己的知識傳承下去。我們更願意將知識帶入墳墓。尤珍妮去世後，多丹的朋友們開始著迷於幫助他回復正常生活。但多丹仍沈浸在悲痛之中，斷然拒絕雇用新廚師。但因為尤珍妮答應收寶琳為徒，他才不得不找一個廚師來培養寶琳。因此，將知識傳授給寶琳和多丹的重生都是在同一敘事筆觸下進行的。
導演／改編劇本： 陳英雄 TRÀN ANH HÙNG 《青木瓜之味》《三輪車伕》《挪威的森林》
演員：茱麗葉庇洛仙 JULIETTE BINOCHE 《別問我是誰》《似是有緣人》
賓諾爾馬基梅 BENOÎT MAGIMEL《鋼琴教師》
烹飪顧問：皮亞．加尼耶PIERRE GAGNAIRE－米其林三星主厨
古裝／愛情／劇情片
級別：IIB
片長：134分鐘
語言：法文對白 （附中英文字幕）
First Distributors | Hong Kong
#味遊心窩#ThePotauFeu#LaPassiondeDodinBouffant#TheTasteofThings#MOVIES#FILMS#CINEMA#COMiNGSOON#POSTER#STILLS#陳英雄#TRÀNANHHÙNG#茱麗葉庇洛仙#JULIETTEBINOCHE#賓諾爾馬基梅#BENOÎTMAGIMEL
官方都送咗電影海報Softcopy俾大家download
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook 吹咩不專業影評
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk
