【#咩FILM】【#咩電影】【#咩MOVIES】
【吹咩不專業影評】
《水行俠與失落王國》 – Aquaman and the Lost Kingdom
#吹咩不專業影評 #不專業影評 #觀後感 by Alan Leung 2
《水行俠與失落王國》首映禮
以前呢其實我都有提及過，DC Hero入邊我最鍾意嘅就係羅賓同埋閃電俠，其他嘅角色其實都唔係我杯茶！不過好多朋友都知道，我睇電影嘅熱誠係同杯茶冇乜關連嘅！
首先好多謝Warner Bros HK邀請我去睇首映，當然就梗係要多謝一直支持我寫電影觀後感嘅Windy & Man啦！今晚原本我哋「吹咩」仔 諗住 去 尖沙咀碼頭接「水行號」首映禮 嘅嘉賓 童童@小薯茄 同埋 ToNick⋯⋯見住隻「水行號」泊緊埋岸，我哋心入邊就yeah yeah緊，點知就俾架觀光遊船撞開咗！要Delay15-30分鐘⋯⋯哎呀！因為我哋趕住入場，就只好叫Windy姐代我哋接船同拍片啦！
趕到去戲院，今次 首映禮 都有幾多特色禮物，有Poster啦、有張靚靚戲飛啦、有條頸鏈送啦、仲有同上次藍甲蟲一樣有漫畫送㖭呀！又係時候打卡、打卡、再打卡啦！
今次去《水行俠與失落王國》嘅首映禮 我真係幾開心，因為IMAX 就睇得多啦，3D電影就真係好耐冇睇過啦！我諗10年都有啦！今日睇到3D嘅IMAX真係興奮到不得了。我諗 上一次我睇3D IMAX可能已經係《阿凡達》嘅時候啦！
其實有一排我都好驚睇3D電影，因為好多都好似係夾硬拍出嚟咁，但係今日我真係睇到“嘩“一聲，每一個場景，每一個細節，都唔係揸流攤！細緻到連啲海草啊，連啲塵啊，同埋陽光光線位啊⋯⋯都係立體㗎！講真㗎！我有啲覺得好睇過《阿凡達》！
雖然呢我唔係Die Hard fans！但係我覺得真係堅好睇，因為完全冇冷場，一幕接一幕都好帶動你追看落去！而且文戲同打鬥場面恰到好處，打鬥場面仲拳拳到肉，仲有一啲你以為係咁咩？原來唔係嘅感覺添！
除咗打鬥場面之外，其實電影入邊笑位都好多，好似主角兩兄弟吹水當自己係「Loki & Thor」，蟹皇話自己唔識眨眼⋯⋯其實仲有好多其他笑話，我唔劇透，等你哋自己入場睇吓。
其實除咗笑位之外，每當我見到唔同角色喺水底開開會嘅時候，我都有少少忍唔住笑咗出嚟！普通版就唔好講啦！ 3D IMAX版 睇住啲角色喺水底度傾偈，啲頭髮飄下飄下咁，以為自己睇緊洗頭水廣告⋯⋯哈哈！
《水行俠與失落王國》唔單止係一套英雄電影，仲係一套講及兄弟情嘅電影，仲犀利嘅就係冇乜提及過陸地上面嘅人齋打水戰嘅電影。電影嘅最後呢 「亞特蘭提斯 」終於承認自己嘅存在，仲希望加入埋聯合國添！
今次DC電影《水行俠與失落王國》係冇彩蛋㗎！不過大家鍾意嘅話仍然都可以坐到字幕嘅最後！欣賞一下翻譯員嘅名字！同埋幾間製作公司嘅logo Animation啦！
官方資料:
【#咩FILMS】【#咩電影】【#咩MOVIES】
《水行俠與失落王國》
Aquaman and the Lost Kingdom
12•20 聖誕矚目登場
華納兄弟榮譽發行、破盡紀錄的鉅製《水行俠》，五年前2018上映時全球大獲好評，更成為有史以來票房最高的DC 超級英雄電影。續集《水行俠與失落王國》(Aquaman and the Lost Kingdom) 比上集更堅揪和話題十足，繼續由大導演溫子仁領軍，原班幕前「水行俠」積遜莫瑪、柏德烈韋遜、安柏赫特、耶也亞度馬甸、妮歌潔曼、道夫龍格爾、朴藍道等，通通強勢回歸！
上集未能擊敗水行俠的黑蝠魟，仍渴望為父報仇，不惜一切代價都要擊敗水行俠、摧毀其家人和王國。歷經四年，黑蝠魟變得更強大，它揮舞著神秘黑色三叉戟，釋放出古老邪惡的力量。水行俠為了連根拔起，求助他被囚禁的兄弟——亞特蘭提斯亞特蘭提斯前國王海洋領主，建立非一般聯盟。衆人知道，必須齊心協力拋開分歧，才能保護自己領土，拯救世界和所愛的人，避過空前毀滅⋯⋯
全新突破性技術 使用136個攝影機 創造一個360度的水底世界
– 為了拍攝原版電影中的水下場景，電影製片人以藍幕舞台並透過「音叉」框架將演員固定在高處。 儘管最終的結果令人印象深刻，但這種方法對演員來說並不舒服，並且限制了鏡頭的位置和移動。
– 對於續集，視覺特效團隊使用了一種全新的方法來讓演員和攝影機有更大的自由度。 利用 Eyeline Studio全新的突破性技術，讓溫子仁和他的團隊能夠創造一個 360 度的水底世界。
– Eyeline Studio 使用專門設計的圓形展台，在固定位置（從腳部到頭頂）安裝了 136 個攝影機，圍繞著演員。演員穿著全套服裝在展位中央表演，戴著感應器頭帶，可以透過視覺特效創造出他們的頭髮在水下飄逸的效果。 展位足夠大，可以容納一匹機械馬，拍攝演員騎著各種視覺特效海洋生物的鏡頭。
– 在展位內，演員可以看到一面 360 度等離子牆，顯示場景的視覺效果。 在展位外，演員們對著攝影機進行表演，攝影機捕捉到他們的面部表情，並將其疊加到展位內等離子螢幕上相應的頭像上。
– 新方法讓演員可以自由地行動並對彼此的表演做出反應，也讓溫子仁在視覺特效後製過程中完全自由地調整攝影機位置。
– 然後，從 Eyeline中捕獲的鏡頭與藍屏上拍攝的場景相結合，並與 VFX 創建的頭像、佈景和海洋生物精心編織在一起。 最終結果是——Altanna和Mera騎在鯊魚身上，Arthur騎著他的巨型海馬，在亞特蘭提斯的中心與黑蝠魟戰鬥，穿過銀幕上從未見過的區域：繁華的住宅區、亞特蘭提斯的“時代廣場”，一直到城市深處的古老倉庫。
官方都送咗電影海報Softcopy俾大家download
《水行俠與失落王國》 – Aquaman and the Lost Kingdom
上映日期： 2023年12月20日（三）
導演： #溫子仁
主演： #積遜莫瑪、 #柏德烈韋遜、 #安柏赫、 #耶也亞度馬甸、 #妮歐潔曼、 #道夫龍格爾、 #朴藍道
片種：動作、冒險
語言：英語
片長：124分鐘
級別：IIA
Facebook: https://www.facebook.com/warnerbroshk
出品公司： #華納 兄弟影片公司
香港發行： #環球影業 (香港) 有限公司
Warner Bros. Pictures
#水行俠與失落王國#AquamanandtheLostKingdom#水行俠#Aquaman#FILMS#MOVIES#CINEMA#IMAX#3D#3DIMAX#POSTER#TRAILER#STILLS#劇照#電影資料 #海報 #DC #SUPERHERO #DCHEROs
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook 吹咩不專業影評
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk
