日本好評賣座11億日幣 全球熱賣1100+萬冊得獎神作熱血電影化
《藍色巨星》(Blue Giant) 暑假壓軸上映
被選為MOViE MOViE anifest 動画藝術祭 2023 開幕電影
Yahoo電影評分超越《THE FIRST SLAM DUNK》
《屍殺片場》導演感動推薦「看到從前的自己」
改編自被譽為「聽得見聲音的漫畫」－原作漫畫紅遍全球熱賣1100+萬冊的超人氣作品《藍色巨星》(Blue Giant) 宣佈殺入暑期檔，即將於8月31日暑期壓軸於香港上映！電影在香港未上映已收到好消息，被選為8月份 「MOViE MOViE anifest 動画藝術祭 2023」 開幕電影，估計勢必引起一番撲飛熱潮！
原著漫畫除了人氣大熱，更獲第20屆日本文化廳媒體藝術祭漫畫部門大獎及第62屆小學館漫畫大獎（一般向部門）殊榮，繼而成功推出此系列的首部動畫電影！日本上映後好評如潮，票房及電影原聲帶雙雙報捷，本土票房高達11億日元，於日本Yahoo電影評分更高達4.5分，超越今年初人氣動畫之最《THE FIRST SLAM DUNK》！台灣上映後廣受好評，甚至紛紛掀起爵士樂熱潮！作品描述以世界第一爵士樂手為目標的色士風手宮本大為了追夢由仙台前往東京，與鼓手玉田俊二、鋼琴手澤邊雪祈共同組成樂團「JASS」，在追夢的過程中，他們遇上困難與挫敗，靠著熱情與堅持，陪伴他們走過這場最熱血沸騰的音樂之旅，奏響他們18歲的青春！
作品被隆重 #改編 成 #動畫電影，製作班底不容小覷，包括全球勁收100億日元－《名偵探柯南：零的執行人》動畫導演立川讓執導；由原作漫畫連載階段起擔任責任編輯的NUMBER 8擔任編劇；而聲優陣容更是華麗，邀得曾聲演《ONE PIECE FILM RED》的山田裕貴、《東京復仇者》演員間宮祥太朗及《百花》演員岡山天音獻聲，動人演釋樂團成員之間的情誼，極具感染力。電影更邀得格林美得獎爵士鋼琴家上原廣美擔任音樂監製，人氣樂團「millennium parade」鼓手石若駿擔任幕後演奏樂手，悉心創作片中極為震撼的原創樂曲，配搭美不勝收的分鏡畫面，在視覺和聽覺上為觀眾帶來強大力量。
多位日本影壇及漫畫界翹楚更連番推薦電影，《屍殺片場》導演上田慎一郎深深地被打動：「這是一部讓人再見到過往的自己的電影，令我哭得太過頭，視覺中電影銀幕都變得不平衡啦！」人氣漫畫《GANTZ殺戮都市》的作者奧浩哉大推：「非常有趣！水準超高！幾乎讓我覺得比起真人電影，動畫或許更能夠將才能的光輝展現。」《名偵探柯南》的原作者青山剛昌認為電影引人入勝：「從前往東京的地方開始，我就不停地帶入自己的情感！音樂與影像很相稱，就連不太了解爵士樂的我都深深被吸引了！」
《藍色巨星》(Blue Giant) 由安樂影片發行，Yahoo電影評分超越《THE FIRST SLAM DUNK》，全球熱賣1100+萬冊得獎神作熱血電影化！醉心爵士樂的高中生 #宮本大（ #山田裕貴 聲演 ）家住仙台，每天風雨不改在河邊練習吹奏色士風。畢業後，大獨自到東京尋夢，機緣巧合下，大在爵士酒吧遇上同齡天材鋼琴手澤邊雪祈（間宮祥太朗 聲演），二人一拍即合，並跟大的高中同學鼓手 #玉田俊二（ #岡山天音 聲演 ）組成3人樂團「#JASS」。3個熱血的年青人，立志登上日本最具份量的爵士樂表演殿堂，誓要以熱情與汗水打動每個觀眾，並昇華日本爵士樂！改編自被譽為「#聽得見聲音的漫畫」的大熱漫畫，今個夏天《藍色巨星》為你帶來最熱血沸騰的音樂之旅！
#日本#得獎神作#熱血電影#藍色巨星#BlueGiant#暑假#壓軸上映#Cinema#Movies#Film#Animation
《藍色巨星》(Blue Giant) – 不專業影評 by Alan Leung 2
記得好耐都無睇過音樂做主題嘅動畫電影，其實我真係超級鍾意哩一種題材，可能係因為自己本身都有玩下音樂，又可能係音樂一直陪伴住自己成長啦！
之前睇過嘅音樂主題動畫，大部分都會帶大家去到一個HighHigh嘅感覺，主角或者成隊Band上台都會帶俾大家好大嘅期待感同刺激感。一諗起啲 Stage 嘅畫，腦海就會即刻浮現出 NaNa、BECK、K-on! 嗰啲小清新 及 爆炸力畫面。 但係今次《藍色巨星》竟然有一點唔同嘅感覺，有一種吸你入去嘅感覺，又熱血又憂愁，哩一種可能就係Jazz & Blues感覺。
因為睇嘅係優先場，所以唔知同正式上映有冇好大分別？我自己覺得就算喺戲院睇，唔知點解！都好似只不過係望住一個放大咗嘅電視感覺，原因係畫面近似4:3。唔知道係電影效果，定還是因為Frame rate唔啱嘅關係，所以經常出現跳格及上下線scanning 跳閃，如果大家都有發現不妨交流一吓！
整體上故事完整、主角為咗音樂追夢、夥伴為咗表演而努力、汗水、熱血、高潮、失落⋯⋯起承轉合，完全能夠表達！有啲朋友話悶到瞓着，反而我深深咁俾每一個鏡頭吸引住！
喺電影入邊，主角們玩Jazz Music真係會成首歌咁玩晒！可能四5分鐘，更有七8分鐘，爵士藍調音樂合埋眼嘅話，真係會吸你入去佢哋嘅世界，但係哩一套係動畫電影，唔通真係好似電視咁Multi Cross Cut 咩？ 《藍色巨星》竟然將好多VJ效果、多角度3D效果放咗入去主角們玩音樂，又或者喺台上表演嘅時候嗰度。音樂加上畫面嘅跳動，不期然我嘅心跳都跟上咗電影嘅節奏，手指都跟着拍子郁起嚟！雖然只係一套動畫，但我真係感覺到我係其中一個現場觀眾一樣！
電影入邊除咗好多熱血位，其實仲有好多煽情位，我睇到都流咗唔少眼淚，有玩過音樂嘅人，有做過創作嘅人，都會好似主角們咁經歷過依啲嘢！努力係好緊要、同伴支持係好緊要、機會係好緊要、原來天才都係好緊要！冇人係呢個世界可以一步登天，但係唔努力就一定冇可能！我哋今日嘅創作，我哋今日嘅成就，其實我哋⋯⋯背負住幾多人嘅希望同埋夢想呢？
官方都送咗啲Softcopy海報俾我俾大家download
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Website
www.chairmen.hk
