《我的天堂城市》 – My Heavenly City

written by alanleung2 2023-10-12

《我的天堂城市》首映禮
#吹咩不專業影評 #不專業影評 #觀後感 by Alan Leung 2

《我的天堂城市》究竟係講緊邊個城市啊？由三個故事組合而成嘅我的天堂城市，講述一班生活在紐約嘅異鄉華人。有人為咗搵工作同埋維持生計、又有人為咗學業愛情同埋追夢、更有人為咗家庭為咗子女迷失左喺嗰個城市之中。

#宋芸樺 – 「在紐約找工作的女子」

喺外國生活過嘅我覺得錢真係好緊要，冇錢就交唔到租，冇錢就冇飯食，其實咁辛苦為咗啲乜呢？回想番呢條問題，如果唔係離鄉別井，其實咪一樣又係要打工賺錢食飯咁樣過活⋯⋯唯獨是可能係少咗一啲同聲同氣嘅聲音，總係覺得一種莫名其妙嘅孤獨感！成日都覺得自己冇朋友，好似呢個世界得返自己一個人。但係其實細心想想，係咪自己標籤咗自己啦？

「在紐約找工作的女子」搵到一份翻譯員嘅工作，但又覺得自己被嫌棄被歧視。明明自己做得啱，但係又俾人屈做錯，雖然感覺唔太好受，但係呢一份工可以令佢認識到一啲同一種語言嘅人。

翻譯員工作唔可以帶有太多情感，自己只好用筆記簿去記錄認識到嘅人嘅每一個故事，雖然故事大部份都係傷感嘅，但係無意之間好似認識到一啲所謂朋友，同埋產生咗一啲突如其來嘅共鳴感。

#姜濤、 #李嘉文 – 「在紐約留學的學生」

兩個唔同國籍，但係講埋同一種語言嘅人，因為鍾意跳舞嘅緣故，兩個人偶然之間走埋一齊，變成情侶變成愛人⋯⋯但可惜最終因為學業同埋工作嘅關係而分開。

『You are my New York』係《我的天堂城市》呢套戲入邊令我最深刻嘅一句對白⋯⋯源於有機會追夢嘅人要好好珍惜每一次嘅機會，因為機會唔係每一個人都可以擁有。當機會來臨嘅時候，有可能令你遵守唔到一啲嘅約定或者承諾，但愛你嘅人會話俾你聽，把握機會比約定更重要，因為嗰個人知道，你擁有嘅機會佢唔會擁有⋯⋯而嗰個人好清楚佢自己擁有嘅係乜嘢，佢擁有嘅係你、佢擁有嘅係同你一齊嘅時間、同埋你永遠都係佢嗰一刻嘅時間！

『You are my New York』你是我的紐約；唔知點解我好想回應電影角色入邊一句話，就係『You are my Tokyo』如果有睇過某一套美劇嘅話，可能你明白我講緊乜！不過唔明唔緊要『You are my Hong Kong』一樣可以。

#姚淳耀、 #魏蔓 – 風箏「生活在紐約的家庭」

當你嘅上一代喺好多年前已經移居外國，而你係已經定居同埋生活左喺外國好耐。究竟唔識應生活嘅係你，定還是係你嘅上一代啦？

好多時我哋都會覺得上一代用權力去控制我哋行緊嘅每一步，聽話就係啱，唔聽話就一定係錯！但係有時身體同埋心理上邊嘅病，好多時候我哋都會嘗試去面對，但唔知點解上一代點樣都唔係咁想去了解，同埋唔係咁接受。我哋越係解釋，佢哋就越覺得我哋係錯！用「識應外國生活」去做例子對應「識應與病人生活」做對比，呢個手法真係幾特別同埋幾新穎！

接受新嘅生活！接受新嘅挑戰！無論係乜嘢問題，一家人都拖住手一齊跨過去⋯⋯ 「我比你更愛⋯⋯我比你更愛⋯⋯」

其實唔一定係New York，《我的天堂城市》喺邊度都係一樣。只要你想喺嗰度生活、只要有你有我甚至有佢；有我哋嘅地方，又或者有我哋經歷過嘅地方，有一件「努力過．幸福過．快樂過．」嘅記憶，嗰度都可以係《我的天堂城市》，因為『愛』無處不在。

官方資料:
《我的天堂城市》成台灣本土新片票房冠軍
才女導演俞聖儀興奮入選第43屆夏威夷國際影展
五主要演員角色海報首曝光以筆跡為角色表明心跡
姜濤親寫「跳舞的時候我可以掌控整個世界」

有你在的地方，就是我的天堂城市！由台灣才女導演俞聖儀執導，以寫實、夢想為主軸的新片《我的天堂城市》(My Heavenly City)將於10月12日上映，由宋芸樺、MIRROR成員姜濤、金鐘視帝姚淳耀、偶像劇女神魏蔓、李嘉文主演。

《我的天堂城市》於台灣率先上映，早前西門町首映逼得水洩不通頓變「姜濤町」成為全台熱話，而電影熱度更隨電影上映推向更高，成台灣本土新片票房冠軍。除此之外，《我》片更獲邀參展「第43屆夏威夷國際影展」，導演俞聖儀興奮表示：「這是電影第一個入圍的國際影展，夏威夷是民族文化融合的地方，很適合這部電影放映。我們帶著異鄉遊子的心境走向國際，期許將台灣故事觸動世界的心。」

緊接參展的好消息，香港宣傳攻勢亦同樣浪接浪，繼早前尖沙咀英皇戲院打卡位消息一出，即吸引數百姜糖到達瘋狂打卡並tag偶像姜濤打氣，而電影公司今日亦首度發放片中五名角色海報，先有《月老》《我的少女時代》愛情片女王宋芸樺，她為孤身在紐約求生活的留學生Mavis道出：「有時候，我好像漂浮在空氣中」；而MIRROR成員姜濤飾演的台灣研究所高材生Jack熱愛Popping舞蹈，姜濤為角色寫上：「跳舞的時候，我可以掌控整個世界」，至於片中與姜濤在紐約邂逅，生活上卻跌跌碰碰的李嘉文為角色Lulu表達當下心情：「我忘了熱愛一件事情是什麼感覺」；而金鐘視帝姚淳耀夥拍偶像劇女神魏蔓飾演於紐約生活的台灣夫妻Jason和Clarie，他們二人跟兒子住在漂亮的房子，卻因兒子的病患令矛盾萌生，因此魏蔓寫下「他的病已經快要把我們全家給拖垮了！」，而姚淳耀卻為Jason這個一家之主寫上「我們應該多花時間在一起」，表白出不會輕言放棄，願意承擔這個家的一切。

《我的天堂城市》由滿滿額娛樂股份有限公司、力揚電影有限公司、文化內容策進院、台北市電影委員會出品，MakerVille及Medialink聯合出品，mm2 Hong Kong及羚邦娛樂香港聯合發行，透過三個相連的故事，描述在紐約這個看似天堂的城市，亞裔新移民如何在困境裡找到希望。其中有寂寞的中英口譯員；迷上嘻哈的年輕戀人；及面對有心理疾病小孩的夫妻。他們在幻滅中默默地啟發彼此，繼續著生命的學習。

MedialinkFilms羚邦映畫 MM2 Entertainment Hong Kong

我的天堂城市 My Heavenly City

#我的天堂城市 #俞聖儀 #宋芸樺 #MIRROR成員 #姜濤 #姚淳耀 #魏蔓 #李嘉文

官方都送咗電影海報Softcopy俾大家download