【#咩FILM】【#咩電影】【#咩MOVIES】
【吹咩不專業影評】
《劇場版 城市獵人 天使之淚》- CITY HUNTER THE MOVIE : Angel Dust
#吹咩不專業影評 #不專業影評 #觀後感 by Alan Leung 2
羚邦集團呈獻《劇場版 城市獵人 天使之淚》優先場
之前收到 城市獵人 出劇埸版 嘅資訊，已經非常之有衝動去睇呢套電影，仲即刻打電話俾我家姐約埋佢一齊睇。話晒都係一套八九十年代，超級出名嘅漫畫同電視動畫，好想知道2023年出版嘅又會同細個嗰陣嘅有啲乜嘢分別呢？
請向 MEDIALINK 訂購
好多謝Medialink邀請我去睇優先場，仲送咗我一大張poster同埋印有孟波同阿香嘅飲品！俾大家睇吓相羨慕一下先！
電影版嘅畫風 同以前細個睇嘅九十年代電視版畫風 非常相似！調返轉嚟諗，原來細個嘅我都未必睇到咁多啲細節位。開咗幾多鎗之後，主角們原來都會好細心咁樣換子彈同埋入子彈，可能真係要一粒一粒咁數住，唔似其他啲槍戰片，亂咁射，射極都仲有⋯⋯哈哈！
電影開頭嘅OP真係幾好睇，八九十年代加少少Y2K色彩元素，最緊要就係OP音樂出現咗「小室哲哉」老師嘅名字，真係好有Feel呀！
講返電影嘅內容，今次《劇場版 城市獵人 天使之淚》交代咗好多電視版本 原本冇提及嘅內容，豐富咗原本故事Missing咗嘅資料！原來孟波就係「天使麈」成功嘅實驗品⋯⋯想知道多啲記得買飛去睇啦！除咗講到天使麈之外，又會提及少少阿香嘅哥哥，同埋一啲神秘組織嘅資料；仲會交代咗，每次孟波鹹鹹濕濕咁樣，都係為咗隱藏同試探一啲佢已經知道咗嘅秘密！⋯⋯最後如果你哋留心嘅話，電影仲會解釋埋孟波面上邊嘅疤痕係點樣嚟！記得細心留意啦！
同家姐睇完之後，大家都感覺《劇場版 城市獵人 天使之淚》幾好睇，真係好多細緻位，但可能真係City Hunter’s fans 先至會了解深入啲，同埋笑得大聲啲，話晒都係大眾嘅童年回憶呀嘛！
家姐提及到：「阿香係會用唔同武器去攻擊，鹹鹹濕濕嘅孟波；而唔同嘅武器，同埋攻擊嘅程度，都視乎孟波嘅鹹濕程度而有所調整。平時阿香主要嘅武器，就係超級大錘仔；大家留意，要對付越鹹濕嘅孟波，大錘仔嘅形狀、重量、體積、同埋物料都會有所提升。而今次電影版入邊，除咗出現大鐵鎚之外，仲有出現流星錘，同埋超級特別版「棉胎卷」⋯⋯咁多位fans真係開心死喇！」
今次嘅電影，仲有一個我幾鍾意嘅場景，就係「台塲」呀！唔單止有我去過嘅台塲海邊、仲可以睇到大橋同海景、迷你自由神像、商場、好多現實世界真係有嘅打卡位，最重要最重要就係有「獨角獸高達」呀！動漫迷同埋高達迷，都不妨買飛去睇吓啦！
除咗以上講嘅內容之外，當然仲有好多精彩嘅場景啦！細細聲話埋俾你聽！「雷朋三世」嘅「雷朋」都有份客串嘅！係咪越講越吸引呢？⋯⋯哈哈！
大家記得快啲買飛去睇吓《劇場版 城市獵人 天使之淚》。最初睇個名嘅時候，我以為係關於另外一個城市獵人作品 《天使心》 （ エンジェル・ハート，Angel Heart）嘅開始 ，但原來唔係，反而係 《城市獵人》嘅「天使麈」⋯⋯似係《城市獵人》嘅 前傳/外傳 多啲⋯⋯有人話係終極大結局，我反而覺得係新嘅開始先真！
點解係新嘅開始？既然當得佢係前傳又或者係外傳，入場睇嘅大家會發現，戲入邊嘅角色用嘅都唔再係八九十年代嘅大哥大電話，全部都已經係用緊智能電話啦！完結，可能係舊版本嘅完結⋯⋯開始，可能係新版本電影版嘅開始呢！？！而且今次電影嘅開頭係講述原作者「北条司」嘅另外一個故事《貓眼三姐妹》「《貓之眼》（日語：キャッツ・アイ；英語：Cat’s Eye）」為起點！連接埋咁多故事，點會咁易俾佢完啦？
最後要提一提大家！唔好一出片尾字幕就即刻閃人，因為孟波同阿香仲有精彩嘅結尾彩蛋㗎！記得睇清楚字幕 又或者 聽清楚 佢哋兩個講緊啲乜啦！
真心真心希望！再有下一集啦！
官方資料:
【#咩FILM】【#咩電影】【#咩MOVIES】【#咩PRODUCT】【#咩LIMITEDEDITION】
羚邦年度壓軸呈獻《劇場版 城市獵人 天使之淚》12月28日香港上映
香港版電影主海報及劇照正式公開
Ani-Mall® 限量電影前賣券套裝獨家預售
最強宿敵 最後之戰
由羚邦集團旗下子公司羚邦娛樂（羚邦）發行，全新劇場版動畫《劇場版 城市獵人 天使之淚》，承載「最終章揭幕」的強大氣勢，12月28日回歸大銀幕。
隨著倒數上映日子越趨接近，香港版電影主海報正式釋出，在日本《劇場版 城市獵人 天使之淚》一開畫即成為票房冠軍！不單止在票房上旗開得勝，同時也被觀眾譽為《城市獵人》系列「史上最高傑作」。看過電影的日本觀眾紛紛在社群網路上表示：「非常帥氣！」、「看到主角們的經典互動，笑得很開心」，甚至已有不少人表示已經3刷、4刷， 回味無窮！
從早前發佈的特報中一開始便是孟波因好色而慘遭阿香大鎚攻撃的經典場面，隨著TM NETWORK製作的片尾曲「Get Wild」響起，任務背後的陰謀也逐漸浮面，終極Boss的出現，也將揭露孟波一段無人知曉的闇黑歷史，一場無法逃避的宿命對決，12月28日一觸即發！
《劇場版 城市獵人 天使之淚》限量電影前賣券套裝 即日起Ani-Mall® 獨家預售
為配合《劇場版 城市獵人 天使之淚》上映，特別推出限量電影前賣券套裝，本周初開始於動漫周邊及品牌精品網上購物平台Ani-Mall® 獨家預售！
《劇場版 城市獵人 天使之淚》限量電影前賣券「2023t大鎚」衛衣套裝
定價港幣$428
套裝包括：
「2023t大鎚」衛衣一件
電影換票證一張
Ani-Mall
購買連結： https://www.ani-mall.asia/products/city-hunter-movie
故事講述槍法一流但好色風流的 #孟波，及歡喜冤家 #槇村香 共同經營以「城市獵人」為名的私人偵探事務所。只要在新宿車站的留言板上寫下「城市獵人」的委託暗號「XYZ」，他們就會考慮你的委託。這次，「城市獵人」收到影片創作者安芝的委託，委託內容居然是尋找一隻逃跑的貓咪。儘管這個委託看似平凡，卻隱藏了不為人知的秘密，孟波被安芝的美貌所吸引，香則為高額的報酬心動不已。兩人在尋找逃跑貓咪的過程中，逐漸發現事情並不簡單，而背後的真相也逐漸浮出水面，宿命對決即將展開…
官方都送咗電影海報Softcopy俾大家download
#電影資料 Movie Information
片名 Title：《劇場版 城市獵人 天使之淚》(CITY HUNTER THE MOVIE: Angel Dust)
上映日期 HK Release Date：2023年12月28日 / December 28, 2023
片種 Genre：動畫 / Animation
語言 Language：日語 / Japanese
片長 Running Time：95分鐘 (mins)
級別 Rating：IIA
前導預告 #Teaser ： https://youtu.be/aa_rYhieHpk
預告 #Trailer ： https://youtu.be/KFxAsaw73Gs
導演 Directed by： #兒玉兼嗣 KENJI KODAMA
發行 Distributed by：羚邦娛樂 Medialink Entertainment Limited
MedialinkMedialinkFilms羚邦映畫#羚邦映畫#羚邦娛樂#Medialink
#劇場版城市獵人天使之淚#城市獵人#城市獵人天使之淚#劇場版#天使之淚#CITYHUNTER#CITYHUNTERTHEMOVIE#AngelDust#MOVIES#FILMS#COMINGSOON#STILLS#POSTER#KENJIKODAMA
記得follow我哋嘅
Instagram @chairmen.hk @alanleung2
www.instagram.com/chairmen.hk
www.instagram.com/alanleung2
YouTube #Subscribe
www.youtube.com/@chairmenhk/
Facebook Chairmen.hk – 吹咩
www.facebook.com/chairmenhk
Facebook 吹咩不專業影評
www.facebook.com/UnprofessionalFilmReview
Also can sponsor us by PayMe
https://payme.hsbc/alanleung2
Website
www.chairmen.hk
